مربي الفراولة/ مقدمة من الشيف/مروة محمود

كتبت/سارة المهدى

مدة التحضير : ليلة كاملة
مدة الطهى : ٤٥ دقيقة

المقادير.
٢ كيلو فراولة
كيلو سكر
لمونة متوسطة
برطمنات زجاج معقمة لحفظ المربي

الطريقة :
اولا وانتى بتشترى الفراولة بتنقيها سليمة وطازة متكنش لونها اسود لأن دة علامة انها مش طازة وكدة المربى تبوظ منك نغسل الفراولة كويس جدا من الرملة ونصفيها ونقطعها لو عايزة المربى بيورية بتقطعيها قطع صغيرة لو عايزها قطع تبقى الفراولة بالنصف حسب رغبتك ونضيف عليها السكر بالنسبة لكمية السكر لو بتحبى الحاجة مسكرة يبقى كيلو الفراولة عليه كيلو إلا ربع سكر لو عايزاها مظبوطة يبقى نص كيلو سكر بيبقى معتدل بعد مانضيف السكر بقلبها كويس واحطها فى التلاجة لتانى يوم بتكون نزلت ميتها نجيب حلة نضيفة وناشفة وننزل فيها الفراولة ونرفعها على النار عالية تغلى اول غلوة بنهدى النار خالص ونعصر الليمونة عليها طبعا بعد الغليان بيتكون ريم ابيض على الوش لازم تشلية باستمرار لأن دة لو فضل بيببوظ المربى بسيبها تغلى على نار هادية لغاية اما القوام يتخن شوية بتعملي اختبار لها تاخدى معلقة منها في طبق لو ساحت فى الطبق تبقى محتاجة شوية كمان على النار لو ماسحتش يبقى تطفى عليها وخلى بالك انها كل اما تبرد بتمسك وتتخن بنجيب البرطمنات مغسولة كويس جدا وناشفة ومعقمة بتدفى الفرن وتدخليها شوية تتعقم وتطلعيها بتحطى المربى فى البرطمان وتسيبيها تبرد خالص وبعدين تغطى البرطمان علشان متكونش بخار مية على الغطا والمربى تبوظ بس كدة بتحفظيها فى التلاجة وتستعملى معلقة ناشفة ونضيفة مرة واحدة بس علشان تحافظى عليها أطول وقت

وبالهنا والشفا

المقادير.
٢ كيلو فراولة
كيلو سكر
لمونة متوسطة
برطمنات زجاج معقمة لحفظ المربي

الطريقة :
اولا وانتى بتشترى الفراولة بتنقيها سليمة وطازة متكنش لونها اسود لأن دة علامة انها مش طازة وكدة المربى تبوظ منك نغسل الفراولة كويس جدا من الرملة ونصفيها ونقطعها عايزة المربى بيورية بتقطعيها قطع صغيرة لو