طريقة عمل كفتة الحاتي احلي من المحلات بكل تفاصيلها وتكتها بطريقة الشيف اماني عبد الرحمن
المقادير
كيلو الا ربع لحمه مفروم
ربع كيلو دهن مفروم يفضل يبقي ( دوش ) علي ( لية ضاني )
عدد 2 بصلة مبشورة ونحطلها ذرة ملح ونقلبها ونضعها علي المصفاة ونصفيها .. الملح حيخليها تنزل المية اللي فيها والميه اللي حتنزل منه هاسيبها علي جنب حنحتاجها
قرن فلفل حامي مفروم
بقدونس
رشه فلفل
رشه ثوم بودر
رشه ملح
وسر المهنه معلقه سكر صغيره 😉
وربع معلقه بيكنج صودا ( كربوناته )
الطريقة
اولا منكترش في البهارات عشان اللحمه بتاعتنا بلدي والدهون اللي فيها هيا اللي بتعمل الطعم الحلو فمش محتاجين نغطي علي طعمها
نضع البصل وباقي مكوناتنا دي كلها علي بعض ونقلب جيدا جداا الي ما الخليط يتجانس وندخلها الثلاجة علي الاقل ساعة تشمع وتمسك في بعض عشان نعرف نصبعها
ونطلعها من الثلاجة نضعها في الاسياخ ونضع ايدينا بماء البصل واحنا بنصبعها عشان متلزقش في ايدك وتتبهدل علي السيخ واهم شئ وهيا علي الفحم تقلبيها باستمرار عشان (متفكش برده )
الكفته بالطريقه دي باذن الله عمرها ما حتفك ولا حتكش منك ولو حاسه انها سايبه منك حطي معلقتين بقسماط ناعم
