الاحتفال ب ” عيد الأب ” يوم 9 سبتمبر دعوة تطلقها الكاتبة ” ميادة عابدين ” والمذيعة “دعاء فؤاد ” عالفيسبوك

لا شك أن الأب قيمة كبيرة في حياة كل إنسان ، فهو رب الأسرة وعمودها الفقري ، وهو قدوة دائما لابناءه ، وينظرون دائما له نظرة احترام واعتزاز وتقدير ، وإذا كانت مصر تحتفل بعيد الأم يوم21 مارس من كل عام ، احتفاءا بها وبما تقدمه من عطاء للاسرة والمجتمع ، فإن للأب أيضا نفس العطاء و القيمة ، لذلك أطلقت كلا من الكاتبة ميادة عابدين ، والمذيعة دعاء فؤاد ، دعوتهما بتحديد يوم للاحتفال ب ” عيد الأب ” على أن يكون 9 سبتمبر من كل عام ، تقدير له وما قدمه من حب وحنان وعطاء وتضحية لابناءه ، وهو بالمناسبة  يوم يصادف العيد القومي  لمحافظة الشرقية ، حين وقف الزعيم أحمد عرابي في ميدان عابدين مواجها الخديو توفيق عارضا له طلبات الأمة والجيش ، كما أن هذا الشهر يحمل ذكريات عظيمة لمشاهير الشخصيات التاريخية والعامة ، وننشر لكم عبر جريدة  وموقع اسرار المشاهير ، ما تم تداوله عبر الفيسبوك ، وردود الأفعال عن هذه الدعوة التي نالت خلال ساعات قليله استحسان و اهتمام السيدات قبل الرجال ، من أجل تحديد هذا اليوم عيدا للأب في مصر ،  لاسيما أن من أطلق الدعوة والمبادرة من السيدات ، وهو ما يدل على تقدير واحترام وترابط المجتمع المصري .

إحنا عاوزين يوم خاص من اوله لأخرة كده ونسمية (عيدالأب) ايوه يوم من بابه نحتفل فيه بالراجل الوحيد في الدنيا اللي دايما عاوز يشوفك أحسن منه, يوم نحتفل فيه بالراجل اللي ممكن يتحمل اي حاجة في الدنيا علشان يوفرك إحتياجاتك, اللي بيعتبرك اهم انجازاتة في الحياة, اللي لو يطول يجيبلك حتة من السماء مش هيتأخر, اللي شايل همك من وإنت طفل في اللفة لحد مابقيت راجل ملو هدومك, اللي مهما كبرت هو دايما شايل همك, اللي وجوده في حياتك هو العزوة والسند, الراجل اللي أنت عايش على حسه واللي فعلا لحم كتافك من خيره.

الهدف من فكرة (عيد الأب) مش أننا نحدد يوم وبس, الهدف إن يبقي في يوم (الأب) يستناه يبقي عارف إن ولاده ومراتة وحبايبة هايحتفلوا بيه هيحسسوه فيه انه قد إيه مهم بالنسبة لهم, يوم كل واحد فينا يبقي مشغول فيه ومحتار وبيفكر هايجيب هدية إية لأبوه, يوم هايتجمعوا فيه حوالين الشخص اللي دايما مجمعهم.

عيد الأب مش بس للأباء اللي علي قيد الحياة,عيد الأب هيبقي يوم لتكريم روح الأباء اللي فقدناهم هنحيي ذكراهم ونفتكر فيه المشوار اللي بدأوه معانا.

فكرنا في يوم 9سبتمبر من كل عام ليكون عيد للأب, وطبعا إحنا هنسمع ناس تقول التعبير عن الحب للأب مش في يوم بس, بس إحنا هنرد بسرعة ونقول إحنا حبينا نحدد يوم علشان نلتزم ونفتكر ونعبر عن حبنا وشكرنا لهذا الرجل العظيم (الأب),  بنشكر كل أب قام بالدور اللي قدر عليه مع أسرتة لك منا كل التقدير والعرفان والإحترام.