الريد فيلفيت مقدمه من مطبخ اكلات مني صالح
كتبت سمسمه سعد
الريد فيلفيت
المزيد من المشاركات
مقدمه من مطبخ اكلات مني صالح
المقادير
الريد فيلفيت وجمالها ممكن نعمل منها سويسرول وكوبيات كيك وممكن نفتتها ونعمل منها كاسات شيك وجميله اوي مع الكريم تشيز
مقادير الريد فيلفت
٤بيضات مفصولين
١٥٠جرام سكر
٥٠جرام زيت
١٠٠جرام زبده
١٠٠ جرام لبن رايب او زبادي على لبن
١٥٠جرام دقيق
معلقه. صغيره بيكنج صودا
معلقه كبيره خل
٢معلقه كاكاو خام
لون طعام احمر
فانيليا
الطريقه
نفصل البيض ويفضل يكون من التلاجه
ونضرب البياض مع رشه ملح مع معلقه خل صغيره
ونضيف نص مقدار السكر لحد مايكون تقيل جدا وماسك زيي المارنج
نضرب الزبده مع السكر الباقي لحد مايكون كريمي وننزل عليه بالصفار ونقلب الكاكاو مع الدقيق وننزل بالفانيليا مع آخر بيضه ونضيف الدقيق مع اللبن القرايب والكاكاو لحد ماتخلص وبعدين نضيف معلقه الخل الكبيره وعليها البيكنج صودا ونضرب كويس بالمضرب ونضيف اللون حسب احتياجك واللون اللي تحبيه من نصف ملعقه كبيره معلقه كامله
وننزل بالخليط ده على المارنج ونمزج بالسبتيولا لحد مايندمج تمام
نبطن صاج ٣٠ في أربعين بورقه زبده ونفرد فيه حوالي نص عقله الصباع والباقي شكليه حسب رغبتك يدخل على فرن ١٨٠ لمده حوالي من ربع لتلت ساعه
يخرج من الفرن ونقلبوا على ورقه ربده تانيه ونبل الضهر بفرشه علشان نشيل ورقه الزبده بسهوله والسويسرول مايتفتش مني
ويترك شويه يبرد
نجهز الكريم تشيز
٢٠٠ جرام كريم تشيز ونخفقهم ب١٠٠جرام سكر بودر وننزل عليهم ب٢٠٠ جرام شيكولاته بيضا سايحه نضربهم كويس مع نص معلقه عصير ليمون وفانيليا
ندخلهم التلاجه يسقعوا كويس او الفريزر ونخفق كوبايه كريمه خفق مع ٥٠ جرام سكر بودر ونضيف كريمه الخفق مع الكريم تشيز ويتخفقوا نص دقيقه ودي التزين والحشو وده حسب رغبتكم
نرجع للسويسرول ونقلبو تاني ونشيل الوش الطري وده هايتشال معانا وانتي بتشدي ورقه الزبده من علي الوش وهيكون نضيف معاكي وبرد نحشي طبقه كويسه من الكريم التشيز ونلف بشويش وعليه الورقه ونقفل الورقه عليه ويدخل الفريزر حوالي ساعتين وبعدين نجلس بالكريم كويس والتشكيل حسب رغبتك