ذكريات

بقلم.. غرام نعيم

ذكريات عمر وسنين
فيها فرح وفيها أنين
ذكرى جارحة وذكرى تانية
بذكريات كل السنين
من شوية أنا كنت قاعدة
قاعدة وحدي وكنت شاردة
جت في باللي مرة واحدة
ذكريات كل السنين
وفي وسط الذكريات
بصيت لقيت حاجات
كنت مخبياها، وحاجات تانية معاها
افتكر تفاصيلها واضحك
حتى لما مر بيا الصعب منها
كنت برضه لسه بأضحك
حاجات كثير مرت وعدت
لكنها في القلب حجزت
مكان ليها فيه وثبتت
أشياء، أشخاص ، وأماكن
من غير كده ليه ولكن
في القلب ليها أماكن
ومهما تمر السنين
حتفضل ذكرياتنا
أساسنا وحياتنا
ويزيد ليها الحنين