كورونا فايروس بقلم الكاتبة خلود عادل
كورونا فايروس
بقلم :خلود عادل
هتافات وشعارات بالمثاليه وحقيقه واهيه و كدابه
فجاه الدنيا بحته فايرس اتقلبت حالها بقت غابه
والناس فيها فجاه اتفزعت وكتير منها قلبوا ديابة
والابن اتخلي عن امه والبنت رمتها عيانه
تعاتبها تقول رح تعديني طز في كرامتها المتهانة
نسيت انها كان طول عمرها لاخواتها وليها شقيانة
وان خفت لا مش راح أخودها وهسيبها الدار تتولاها
ا
وتستغرب ليه لما بقولك الدنيا قلبت علي غابه
تجار وجشعهم ملكهم مني ومنك والناس الشقيانه
غلو عليهم ادويتهم حكروها وباعوها بياما
مهي شاحه خلاص مش موجوده
هتاخدلك يابني كحل و جل ولا كمامه؟
طب اقولك راح اشوف لك واحده
مهي اصل الناس جاهله وخايفه
ماشيه بوصفات علي افتكاسات من علانه
وبقدره قادر تلاقيها من فيس للوتس لفلانه
وهو كله بياخد وبيركن مهو يمكن
احتاجها واكون يوم سخنه و عيانه
وان قالو خليكي طبيعي وده كله ده شغل مناعه
تترفع الفاكهه باسعرها عند الباعه
والكل بياخد ويخزن وكانك داخل في مجاعه
تسال عالحاجه الضروريه يرد يقولك دي متباعه
الناس مرعوبة من فايرس وانا مذهولة وفي دوامه
معقول نفوس الناس قاسيه أخلاقهم ليه كده متباعه؟
فايرس بين ان نفوسهم هي الي مريضه وخداعه
وخلاص اناعن نفسي من أمثالكم خدت مناعه
ويقولك ده فكر ماثوني فايرس متخلق دي نهايه
حبكوا القصه اوام كتبوها خلوها مسلسل وروايه
ناسين ان الانسان ولا يقدر يخلق حتي جناح دبانه
خايفين من موت ربنا كاتبه مكتوب بالثانيه وبالساعه
لسه بردو راح تستغرب لو اقولك عايشين في الغابه
