كيك وكريمه ومانجه مقدمه من مطبخ اكلات مني صالح

كتبت سمسمه سعد

كيك وكريمه ومانجه
مقدمه من مطبخ اكلات مني صالح

مده التحضير ربع ساعة

مده الطهي نصف ساعة

المكونات
نجهز اول حاجه الكيك الاسبونش
٦بيضات كبار مفصولين
كوب سكر
نص كوب ميه ونص كوب زيت
كوب دقيق ونص كوب نشا و٢معلقه بيكنج ب
فانيليا
…..
نخفق البياض لوحده مع نص كوب سكر لحد مايوصل للمارينج يكون زيي الكريم شانتي
…..
نخفق الصفار مع نص كوب السكر الباقي ولونه يفتح معانا وننزل بالزيت مع الميه والفانيليا
وبعدها ننخل النشا مع الدقيق والبودر ٣ل ٤ مرات ونضفهم عالخليط ده ونقلهم كويس
هاتكون كريمي وناخد قطعه من البياض على الخليط ونقلب باسبتيولا من فوق لتحت وهكذا لحد مانخلص كميه البياض ونبطن صينيه مقاس ٣٠في ٤٠ بورق زبده وننزل بالخليط وتدخل فرن حامي على ١٦٠ هتاخد ٤٠ دقيقه
…..
نجهز الكريمه
كوب جبنه كريمي مع نص كوب سكر وتكون الجبنه متلجه ونخفقهم كويس اوي
….
ونخفق كوب كريمه عليهم نص كوب من الكريمه اللبناني البودر مع نص كوب باستري كريم ونخفقهم ب٣كوب لبن متلج ولو لقيناها خفيفه نزود معلقتين من الكريمه ولو الكريمه خام نزود ٣معالق سكر بودر كبار
ونخفقهم كويس جدا ونرجع نقلب الجبنه الكريمي معاهم وكل ده ندخله الفريزر يشد كويس معانا
…..
نقطع المانجه ولازم تكون مانجه جامده مش طريه خالص ونقطع منها طولي وكمان مكعبات
ممكن ناخد جزء ونقلب على جزء من الكريمه
…..
الكيكه بعد ماتستوي وتبرد اقلبها واسمها نصين من النص
نص هاخده للبيركس
والتاني اخده للصينيه التشيز
يعني الكيك عمل معايا ٣قوالب مختلفه
بسقيها بشربات خفيف وضفت عليه نص كوب سفن اب
ابتدي انزل الكريمه اسويها كويس جدا لاني هاسقيها جيللي ومش عاوزاه ينزل للكيك يهريها مني وتكون طريه بزياده
وانزل ب المانجه واشكلها حسب رغبتي
وادخلهم التلاجه يجمدوا ولو متاح فريزر يكون افضل
اجهز الجيلي… ٢باكو جيللي مانجه او مشمش او اناناس
وانزل عليهم ب ٢كوب ميه مغليه وادوبهم كويس جدا وانزل عليهم ب ٢كوب ميه متلجه
وانزل بيهم على الوش براحه وتدخل التلاجه ويتماسك الجيلي وتتقدم وبالف هنا

رئيس قسم المطبخ أ سمسمه سعد