طريقه عمل حلويات مولد النبي مقدمه من شيف سماح عطيه
كتبت سمسمه سعد
طريقه عمل حلويات مولد النبي مقدمه من شيف سماح عطيه
شكلامة
المقادير
ربع كيلو جوز هند
ربع كوب سمن مذابة
نصف كوب سكر بودر
٣ بيضات
فانيلا
معلقتين كبار عسل ابيض او معلقة كبييرة عسل جلوكوز
معلقتين كبار دقيق
كريز للتزين
الطريقة
في بولة انزل بالسكر والسمن واقلبةبالمضرب اليدوي ثم انزل بالبيض والفانيلا ونقطتين من روح الفانيلا بتفرق في الطعم جدا واقلب واضيف الدقيق وجوز الهند واقلب واكون محضرة صنية متغلفة بورق الزبدة مهم اوي ورق الزبدة وفي كيس الحلواني انزل بالمكونات وابتدي اضغط واعمل شكل وردة وازينها بقطع من الكريز اسيب مسافة صغيرة بين الوردات وادخلها فرن مسبق التشغيل لمدة ربع ساعة علي درجة حرارة ١٧٠ لحد ماتاخد لون ذهبي فاتح جميل والف هنا علي قلوبكم
المشبك الدمياطي الاصلي
المقادير
نص كيلو دقيق
٢ كوب ماء
معلقة صغيرة خميرة اخلط المقادير مع بعض واغطيهم واتركهم ليلة كاملة
السيرب
٢ كوب سكر
كوب عسل جلوكوز
نص كوب ماء
معلقة كبييرة ماء ورد
نتركهم مع بعض حوالي ١٠ دقائق علي النار
وبعد ماتعدي ليلة كاملة علي خليط المشبك اقلبة واكون محضرة ازازة كاتشب اول استعمال احط فيها الخليط وفي طاسة علي النار فيها زيت سخن علي نار هادية احط فرمة مدورة خاصة بالمشبك وابتدي انزل بالخليط داخل الفرمة بشكل عشوائي وبعد حوالي دقيقة اشيل الفرمة واعمل وحدة تانية وهكذا لحد مااحصل علي اللون الذهبي الفاتح الجميل ابتدي اقلبة علي الوش التاني ولما ياخد اللون من جميع الاتجاهات اطلعة من الزيت واصفية كويس على الطول علي السيرب السخن يعني المشبك سخن والسيرب كمان سخن علشان يشرب السيرب واتركة لمدة دقتين في السيرب واطلعة علي مصفي يتصفة كويس وبالف هنا علي قلوبكم
الدومية او الملبن الاحمر
المقادير
كوب ونصف سكر
كوب ونصف ماء
نص كوب عسل جلوكوز
كوب الا ربع ماء
نص كوب نشا
٢ معلقة كبييرة چيلاتين
لون احمر
رشة صغيرة ملح لمون
ربع كوب ماء سخن لاذابة الجيلاتين
الطريقه
في اناء علي النار انزل بالسكر والماء وعسل الجلوكوز علي نار متوسطة لحد ما السكر يدوب اقلب المكونات وانزل بملح الليمون وبعد كدة اقلب النشا مع الماء وماء الورد وانزل علي السيرب واقلب واستمر في التقلب علي نار هادية لمدة نص ساعة بعد كدة انزل بالچيلاتين المذاب في الماء واقلب واضيف اللون الاحمر واي نصف كوب مكسرات تحييها واكوب محضرة صنية مدهونة بالزيت انزل بالمكونات بتاعتي وادخلها التلاجة ليلة كاملة والف هنا علي قلوبكم
الفخفخينا
المزيد من المشاركات
