غرام نعيم تكتب : علشان الفلوس
علشان الفلوس
بقلم :غرام نعيم
علشان الفلوس
تتغير ياما كثير من النفوس
فيه ناس تضيع وناس تبيع
وناس تضل وناس تزل وناس تغل
علشان الفلوس
فيه ناس تدوس حتى الرءووس
وناس تطاطي وناس توطي عالإيد تبوس
علشان الفلوس
الأخ ممكن يكره أخوه
ويبقى واحد من اللي يعادوه
والحقد يملا بس النفوس
علشان الفلوس
فيه ناس بتظلم ومن الحق تحرم
ومفيش شاغلها غير الفلوس
علشان الفلوس
تسقط مباديء وناس كثير تدخل خنادق
والقرد يحلى والكذب صاحبه يبقى اللي صادق
علشان الفلوس
يسقط قناع وتلقى اللي باع
والسبع يبقى من الضباع
علشان الفلوس
المزيد من المشاركات
غرام
