صباح الخير.. بقلم الشاعر عقيد قوات مسلحه عبدالله الهادي
صباح الخير.. بقلم الشاعر عقيد قوات مسلحه عبدالله الهادي
صباح الخير
من الأول
هامد الأصل للأخر
وهاركب طيفى وهاسافر
وامد جدورى فى وادينا
واحيى ِ الجد
وعرق اتمد من مينا
وفرع فينا واتمايل
وشايل زهرة اللوتس
وتاج رمسيس
وسحر هاميس
عروسة النيل
وتعويذة عروسة النيل
وراسم صوره فى العبد
فى إيدها دليل مهارتنا
وحضارتنا تاريخها طويل
وسيل أمجاد مغرقنا
ومجد كبير ومش عادى
ونور هادى لأرض الخير
صباح الخير
عليكى يامصر
صباح الشهد والسكر
صباح المسك والعنبر
صباح الورد والحنة
ياجنه إسمها بلادى
على صبحك على مساكى
على القدرة إللى راسماكى
على صدر الزمان صوره
وصورتك نيل وله شطين
وع الشطين نشوف بساتين
وفى البساتين نشوف عصافير
تحط تطير وتعلا لفوق
قلوبنا تروق ياخدنا الشوق
ونعشق ضيك الممدود
وفيه بتضمى أحبابك
ونعشق شعرك المفرود
وواصل لمَّا لكعابك
ونسهر لمة فى رحابك
نملى العين بتصاويرك
مافيش زيك مافيش غيرك
عبيرك طيفه فى النسمة
وحسنك ذود البسمه
ومية رسمة بتحكيكى
وترويكى بكل لسان
يابحر حنان
بننهل منه ونعبى
وغصبٍ عنا تنحبى
يامحفوظه من الرحمن
وفى القرآن بنقراكى
وندعى لك بكل الخير
صباح الخير
عليكى يامصر
يارض النصر والعزه
وليكى مكانه ومعزه
فى كل قلوب محبينك
ولهفة بتسرى فى الوجدان
فى كل مكان بتوصلنا
ومهما علينا ووصلنا
على أصولنا بنرجع لك
ونهدى لك مودتنا
ونكتب لك تحيتنا
فى ورقة بردى من غيطك
هنا شعبك هنا صوتك
أنا صيتك وصييتك
ورصيتك قمرونجوم
لا خونتك يوم ولا عصيتك
وحطيتك على جبينى
حجاب يحمينى من الحاسدين
ولفيتك شمال ويمين
باعدى من نجاح لنجاح
صباح الخير
عليكى يامصر
يامالكه العصر بالأفكار
وكام سكه وكام مشوار
وكام خطوة بدأناها
وأسسناها ورسينا
وحسينا بفرق كبير
مابين الجد والتصقيف
مابين الأصل والتزييف
وغمسنا الرغيف بصحيح
مافيش تصريح يضللنا
وبعد ما توهنا ودبلنا
هتحلالنا الحياة يا ولاد
بدون سخرة ولاجلاد
ولاأسياد وملكيه
سلاح العلم فى إيديه
يبيد الجهل بقرايه
وسهرايه مع المزياع
واعليكى شراع وشراع
فى بحر المعرفه تسبح
وتشرح حرف فى كتابك
أنا العابد فى محرابك
باقوم من بدرى واتعطر
واصلى الفجر فى الأزهر
واعاهد نفسى ع الطاعة
تهل الشمس سطاعة
ونورها يعم تكوينى
تصافينى آماراتك
وتشجينى مزاراتك
وتبرينى فى ذاتك شوق
أنا المرشوق
فى كل شروق يناجيكى
أنا الممشوق على طولك
وبأصولك أنا فيكى
هاحاديكى واداديكى
وابديكى على نفسى
وجسمى يكون لك الساتر
وحسى يكون لك الشاعر
واقول لك كل يوم شاكر
يدوم العز وتدومى
واقوم من نومى أدعى لك
وأهدى لك تحياتى
وأقول لك كل طلعة شمس
صباح الخير ….. يامولاتى
