طريقه عمل القراقيش مقدمه من مطبخ شيف مني صالح
طريقه عمل القراقيش مقدمه من مطبخ شيف مني صالح
طريقه عمل القراقيش بتاع زمان
ولا الف وارجع
نقول بسم الله ونعمل من ايدينا احلى قراقيش
واحلى من الجاهز وتحدي، بإذن الله ناجح مع الجميع المهم نتبع الخطوات صح
القراقيش البيتي الهشه جدا ومقرمش جدا وطعم احلى بكتير من بره
……………….
الطريقه ل ٢ ونص كيلو دقيق
اولا اجهز العجوه بتاعتي…. كان موجود عندي تمر طري فصصته وحطيته في مصفاه والمصفاه جوه حله فيها كوب ميه بيغللي وتكون الميه مش ملامسه المصفاه واغطي المصفاه كويس جدا واسيبها على نار هاديه ربع ساعه هاتلاقي التمر طري جدا خديه واهرسيه بكوبايه ومعاها شويه زيت وسمسم وبعدها صبعيها بالحجم اللي تحبيه
……………
تابع ايضاطريقه عمل الحمام الكداب بالفريك
العجينه
٢كيلوونص دقيق…… انا استخدمت ٥نجوم
وفي الهرم وفي الكوثر وسوليتير
وعليه كوب سمسم محمص وظرف كيك شيف….. وظرفين فانيليا كل ده يتقلب على بعض وشعره ملح بين صوابعنا
اقدح كيلو و٣٠٠جرام من السمنه وياريت تكون نيوزيلاندي او بلدي وكمان في قلايه تانيه عاوزه ٢٠٠جرام من الزيت السخن وهنا استعملت عافيه وممكن كريستال اوهلا
انزل بالسمنه المقدوحه وابتدي ابس في الدقيق بالسمنه كويس لحد ماتنعم معايا لمده ٥دقايق وبعدها انزل بالزيت وابس تاني كويس جدا بتكون عجينه شبه بتاع الكحك
اجهز نص كيلو لبن دافي اخد منه كوب وادوب فيها معلقه صغيره من الخميره و٤معالق كبار سكر وانزل عالعجينه وافتح فيها كويس بأيدي وبعدها وانزل بالباقي اللبن واشرب العجينه اللبن وزود مياه شويه شويه لحد ماتلم معانا ولا طريه اوي ولا ناشفه عجينه لينه لكن ماتكونش طريه زياده عن اللزوم وسايحه منك واسيبها ترتاح واغطيها بمفرش بلاستيك ربع ساعه
وبعد ماترتاح أشكلها والصور موضحه كل حاجه في تشكيلي فيها وانتم حسب ماتحبوا
بنسبها ترتاح حوالي ساعه بعد مااخلصها والفرن يكون حامي انا بسويها على درجه حراره ٢٠٠
ولو فرن صاج من العادي
يكون حامي كويس ونهدي خالص زيي الشمعه وبنسوي
السوي بيفرق جدا جدا
وكل صاج بياخد مش اقل من نص ساعه ل٤٠ دقيقه
حابين تضيفوا سمسم ندهنها بيض بفانيليا بلبن ونرش سمسم علي الوجه
أنا بحبها بدون اي إضافات كده
والف هنا
رئيس قسم المطبخ أ سمسمه سعد