هكذا يمكنك مواجهة شخصا يسعي لإستفزازك ونرفزتك بالإتيكيت .. بقلم / هايدى سلامة 

هكذا يمكنك مواجهة شخصا يسعي لإستفزازك ونرفزتك بالإتيكيت .. 

ماهي الطريقة المثلي التي يجب عليك اتباعها اوالتعامل بها حينما تتعرض لموقف سئ متعلق بسعي أحد الأشخاص لإستفزازك ونرفزتك ؟!!

هكذا يمكنك مواجهة شخصا يسعي لإستفزازك ونرفزتك بالإتيكيت

غيرة وأحقاد

فكثيرا مانواجه في حياتنا نماذج من هذا النوع ؛ وهو مصادفة أشخاص سواء كانوا قريبين منا اوالعكس ؛ يسعون لنرفزتنا لأهداف مختلفة سواء بسبب الغيرة اوالحقد اوالمرض الداخلي ومن ثم محاولة التقليل من عمل ما نقوم به وتهميشة لإصابتنا بحالة من الغضب مما ينتج عنه العصبية والنرفزة وسنحدثك باسلوب عامى بسيط تماما كما نتحدث سويا في بيوتنا وحينما نلاقي بعضنا البعض في اى مكان .

أمور طبيعية

 في البداية يجب عليك تقبل فكرة إنه عادي مش كل الناس ممكن تحبك أو تتقبلك.. لأنه طبيعي إنك ما تعجبش كل الناس.. لكن انت لازم تتقبل نفسك بجمالها وعيوبها.. لازم تعالج عيوبك بس بحب.. لازم تشوف نفسك عظيم.

الثقة بالنفس

ربنا خلقك قوي ومدك بمميزات مش عند أي حد أستغلها صح وما تضيعش كل جميل ربنا زرعه فيك بتفكيرك في اللي مش متقبلك واللي بيحاول يكسرك أو يضايقك او يستفزك.. ركز في المنح اللي ربنا اعطاها لك.

خليك واثق من نفسك ومتكنش انت الإنسان إللى يستفز او ينرفز أحد كن أنت الإنسان الراقى إللى بيجبر الخواطر.

نقاط هامة

تعرف على الطريقه المثلى فى هذه الحاله :-

١- مرر نظرك نحو عينيه .

٢ – ركز فيها . 

٣- ابتسم ابتسامه عريضه 

٤ – أبعد نظرك عنه بأتجاه آخر(السماء ، هاتفك ،يديك……)ثم انسحب فى منتهى الهدوء .

ثم من بعد إختار الوقت المناسب للعتاب واللوم.. مينفعش في وسط الجو وهو مليان فرحة أو وقت سفر أو مناسبة جميلة.. تعاتب الشخص اللي قدامك وتلومه على استفزازه لك.. أو تفتح باب مناقشة المشاكل.. خليك حكيم وقدر اللحظات السعيدة وأجل العتاب لوقت تاني .

فكرة الإعتذار

في كتير من الناس بتحس بثقل اتجاه الإعتذار.. مع إن الإعتذار مش ضعف ولا تقليل من نفسك بالعكس ده بيعززك قدام اللي زعلته وبيخليك شجاع بينك وبين نفسك..

وعلى الشخص الآخر تقبل فكرة الإعتذار علشان كدة لازم تتعلم ثقافة الإعتذار:-

* الإعتذار بيعزز ثقتك بنفسك لأنك بتدي لكل واحد حقه.

* ماتحاولش تبرر الخطأ اللي عملته أيًا كان إيه هو.

* اختار الوقت المناسب اللي ينفع تقدم فيه اعتذارك.

* خليك صادق وأنت بتعتذر مش مجرد كلمة وخلاص.

ميزة التجاهل

وأخيرا مع من تتجاهل ومع من تتواصل 

اولا: تجاهل الشخص الذى يكره الآخرين .

٢-الشخص الذى يتحدث كثيرا عن أشياء غير واقعيه 

٣-الشخص الذى يستغلك

 

مع من تتواصل.

اولا: الشخص الناجح المبتكر الفريد فى تفكيره 

٢-الشخص الذى يدعمك ويفرح لنجاحك

٣-الشخص الذى يعمل ما يقول ولا يقول ما يعمل.

 وأخيرا النصيحة :

اطلب الطلب مرة واحده فقط لان تكرار الطلب فى حد ذاته ينرفز ويستفز .