الدكتورة نيرمين فاروق حسن تكتب: جسور المحبة تبنيها الثقة المتبادلة والإحترام لكن .. يظل دائماً الحب أجمل حظوظ الدنيا !
الدكتورة نيرمين فاروق حسن تكتب:
جسور المحبة تبنيها الثقة المتبادلة والإحترام لكن .. يظل دائماً الحب أجمل حظوظ الدنيا !
Written by: Dr. Nermeen Farouk Hassan
إمسك بس فى الناس إللى ماسكه فيك .. إمسك بس فى الناس إللى عارفين قيمتك و مقدرين قيمة وجودك فى حياتهم.
إمسك بس فى الناس إللى بيحبوك بالأفعال مش بالكلام .. إمسك بس فى الناس إللى تلاقيهم جنبك وقت ضعفك .. هتقابل ناس تقولك إحنا سندك و ضهرك و وقت الجد هتلاقى نفسك ساند عالهوا.
إمسك بس فى الناس إللى زعلك يفرق معاهم .. إللى مايقدروش يغمضوا عينيهم و يناموا و هما عارفين إنك زعلان .. إمسك بس فى الناس إللى بيتعاملوا مع مشاكلك أكنها مشاكلهم هما شخصياً.
إمسك بس فى الناس إللى طمر فيهم جدعنتك و وقفتك معاهم و إللى عملته عشانهم .. إمسك بس الناس إللى بتعمل مجهود عشان يحاولوا يسعدوك و يشوفوا ضحكتك .. حتى و لو رسيت على شخص واحد بس إقفل دايرتك على كده و الباقيين يادوب إعملهم باى باى من بعيد من باب الذوق مش أكتر.
ولتعيشوا سعداء تمسكوا بإبن الأصول الذى لا يرد الظلم بظلم، و يترك ربنا يجيب له حقه، يصفي بسرعه لو لقاك شاري وينسي بسرعة لو لقاك بايع، ودائماً عينيه شبعانه عمره ما يحلل لنفسة يأخذ حاجات غيرة، أو يبص في رزق غيره ولا يبص في حياة غيره.
ابن الأصول الذى بيقدر ويحترم أبسط واقل حاجة حلوة بتعملها معاه، والأهم أنة مبيعرفش يخون ولا يجرح ولا يستغل فرص ولا يستغل حد، ولا يكرة فى حياتة إلا الكذب والخيانة، وهو صاحب الكل ميعديش عليه واجب ويديلك حقك من غير ما تطلبه.
أبن الأصول أصلة الكرم ومهما كان ناجح أو عنده كتير أخلاقه غلباه، وميعرفش يتغر علي خلق الله وبيسيبك لوحدك تعرف الفرق بينه وبين غيره وجواه رحمة وعدل ودائما بيضع نفسه مكان غيرة.
المزيد من المشاركات
* من الآخر كونوا أنانين لمرة واحدة فى حياتكم وحبوا أنفسكم، تمسكوا بإبن الأصول الذى يعمل الأصول لتعيشوا فى هناء وسرور وتخرح قلوبكم الى النور، وتأكدوا أن روعة الحب حقاً تتجسد فى الإهتمام .. !
إحتفلوا بعيد ميلاد سعادة قلوبكم وإعشقوا كل زهورها الجميله فالقلوب الطيبه لا تتقلب .. !
اللهم يا مقلب القلوب ويا مفرج الكروب ثبت قلوبنا على دينك وإرزقنا بمن يقدر جمال قلوبنا وروعتك فى خلقك لها ولنا سبحانك.
ومهما كانت إختياراتكم .. فالصبــر ليس استسلامــاً .. والتــأني ليس تراخيــاً .. والصمــت ليس تنــازلاً .. و التفــاؤل ليس سذاجـــة .. !
الصورة للدكتورة نيرمين فاروق حسن بأمريكا صيف 2019
الأصدقاء فى مصر الحبيبه وحول العالم فضلاً .. لا تنسوا الضغط على ( Like ) إذا أعجبكم الموضوع وإستفدتم منه .. جزيل الشكر.
أجمل أمنياتي القلبية وأرق تحياتي لكل متابعيني فى مصر والعالم.Dr. Nermeen Farouk Hassan
Dr. Nermo of Egypt 
Bachelor Physical EducationHigh Diploma Islamic ScienceHigh Diploma Sport InjuriesMaster’s Degree Sport Physiology,PhD Physical EducationHelwan University, Cairo – Egypt
National Football Referee1999 – 2010
National Bentaball Referee2006 – 2020
Lecturer in Egyptian FootballFederation 2006 – 2020
Lecturer in Egyptian BentaballFederation 2006 – 2020
National Football Commissioner2011 – 2020
CAF Commissioner 2016 – 2018Lecturer and Coach Accrediteat The Professional Academy of
Teachers in Cairo
The Press Writer in Our voiceNews and Celebrity Secrets
Press Writer in The InternationalDay newspaper in Egypt and
London
