ياترى هتصالحنى فى رمضان …. بقلم / كامل بدرخان
ياترى هتصالحنى فى رمضان؟
بقلم / كامل بدرخان
ياترى هتصالحني في رمضان ؟!
ولَّا انت لسه زعلان
إخزي يا حبيبي شيطانك
وعَدِّي بحرك وشطآنك
وارجع حبيبي مكانك
ملعون أبو الشيطان
تعالى وافطر معايا
وبُص حبببي في المراية
دا نُص حلاوة الدنيا فيك
وروحي دايما بتناديك
وقلبي اللي بين إيديك
هو دا كل الحكاية
المزيد من المشاركات
ومع السَحَر والسحور
وعيونك بتسجِر بحور
وتسحر في كل كياني
يا ضارب قلبي وأركاني
وعارف فين مكاني
أجيلك نوَلَّع بخور
والفجر تصبح صايم
بَلاش هجرك يا هايم
الغدر مش شيمة الحبايب
وارحم القلب اللي دايب
اللي يفطر في رمضان خايب
الحب لا سحر ….. ولا تمايم
