رفيدة المدنى أصغر مذيعة تحاور كبار الإعلاميين

رفيده المدنى أصغر مذيعة تحاور كبار الإعلاميين

موهبة صغيرة تلفت الأنظار لتميزها تبلغ من العمر ١١عام ..من محافظة القليوبية

تحكى لأسرار المشاهير عن أحلامها وطموحها

تقول :حلمى أكون أصغر مذيعه في مصر أقدم أول برنامج توك شو فى التلفزيون يتكلم عن مشاكل الأطفال وأحلامهم .

حلمى احاور السيده الفاضله إنتصار السيسى.

حلمى أشارك فى تقديم حفلات وفاعليات أمام فخامه الرئيس عبدالفتاح السيسي.

وتضيف عن بدايتها كمذيعة :

كنت أول طفله مذيعه تقدم فقره المذيع الصغير على شاشهdmc فى برنامج 8 الصبح
حاورت مسؤل عن مبادرة أطفال وكبار بلا مأوى على الهواء مباشرة.

حاورت د هشام عزمى الأمين العام للمجلس الأعلى للثقافه عن جائزه الدوله للمبدع الصغير.

حاورت الإعلامية دعاء عامر على على اليويتوب فى رمضان اللى فات عن الفرق بين رمضان زمان ورمضان دلوقتى.

حاورت ملكة الميكروفون استاذه إيناس جوهر عن حياتها وإنجازاتها وأحلامها .

كيف كانت البداية ؟

بدءت من عمر ٨سنين أنزل اعمل تقارير فى محافظات مختلفه وجهزت برنامج كامل ومعرفتيش أوصل أنى اكمله واذيعه على شاشات التلفزيون

بحاول أوصل لحلمى وبجتهد لكن لسه مفيش فرصه للطفل المذيع فى مصر أنه يكون له برنامج خاص أو يكون مراسل فى قناه تلفزيونيه.

بس دايما عندى أمل مع إهتمام فخامه الرئيس عبدالفتاح السيسي بالأطفال ورؤيه مصر ٢٠٣٠

أنه فى يوم هيكون فيه قناه تلفزيونيه خاصه بالطفل المصرى تتكلم عنه وتعبر عن أحلامه
تستهدف الاطفال وتغير اهتمامتهم وأهدافهم للأفضل

من قدوتك فى الإعلام ؟
كل الاعلاميين الموجودين على الساحه
كل حد فيهم مميز بالنسبه ليا ومتابعتى له بتعلم منه كتير
هبدء بالاعلاميين اللى قابلتهم وشوفتهم واتعاملت معاهم بترتيب ظهروى معاهم
استاذه دعاء عامر ؛_
اتعلمت منها حب الخير والتواضع ومساعده الغير لأنها أول حد يساعدنى ويقبل أحاوره وتحقق ليا حلمى أنى أحاور مشاهير الاعلام
استاذه داليا أشرف:_
حبها للاطفال ودعمها ليهم وبراءتها وشخصيه محبوبه جدا للأطفال وهيا تستحق تكون سفيره الاطفال فى مصر
استاذه ايناس جوهر::_
استاذتى ومعلمتى هيا مدرسه فى الإعلام وأفضل حد ممكن تتعلم منه
هيا ملكه الاذاعه وأتمنى أكون زيها فى يوم من الأيام ويكون ليا تاريخ اذاعى واعلامى زيها
أستاذ أحمد يونس :_
قمه في التواضع وقدوه ومثقف جدا ومحب للخير
بتابع طبعا استاذه اسعاد يونس بحبها جدا واستاذه منى الشاذلى بحبها واتمنى أكون زيهم فى يوم من الأيام
استاذه ايمان الحصرى بحبها جدا
واستاذ رامى راضون بحبه جدا
وطبعا د عمرو الليثى بحبه وبتابعه دايما

ومازالت أتعلم وأطور من نفسي حتى أحقق حلمى