كيكه الحليب التركيه او التريلتشا مقدمه من شيف مني صالح 

كيكه الحليب التركيه او التريلتشا

مقدمه من شيف مني صالح
هاقول لكم أسهل واطعم طريقه ليها

اول شي نجهز الكيك
٤بيضات كبار وياريت من التلاجه
كوب سكر
كوب دقيق وربع كوب نشا
معلقتين كبار زيت
معلقتين كبار ماء
رشه ملح ومعلقتين صغيره بيكنج بودر
….

ننخل الدقيق مع النشا والبودر من ٣ل٤مرات
وده مهم جدا لأي كيك اسفنجي
…..
نفصل البيض
نخفق البياض مع رشه ملح ومعلقه خل وننزل بعدها بنص كميه السكر واحده واحده لحد مايكون زيي المارينج
نخفق الصفار مع نص كميه السكر الباقيه لحد ماللون يكون كريمي وفاتح ننزل عليها بمعلقتين الزيت والماء ونخفق
ننزل عليهم بالمواد الجافه مع الخفق على أقل سرعه
وناخد جزء من الخليط ده نضيفه واحده واحده عالبياض مع التقليب باسبتيولا من تحت لفوق علشان نحافظ على انها ماتهبطش منك

لازم نمزجهم كويس جدا ونصب الخليط في طاجن مبطن بالزبده والدقيق مقاس ٢٥في ٣٠
ويدخل فرن على ١٧٠… وبعد النضج من الأفضل نتركه داخل الفرن…..
………
الكراميل
كوب سكر يتكرمل عالنار لحد ماياخد اللون الطبيعي للكراميل وننزل عليه بمعلقه كبيره زبده ورشه ملح ونكون مجهزين كوب لبن دافي عليه معلقتين كبار من الكريم شانتي البودر ومدوباهم كويس ونزل بيهم واحده واحده
ونهدي النار لحد مندوبهم كويس جدا
وننزل بعدها بجوالي ٥٠جرام شيكولاته بيضا بتساعد على تماسك الكراميل اكتر
ندوبها تماما ونصفي الخليط ونتركه يبرد تماما…..
…….

الكريمه
ربع كيلو كريمه مخفوقه ب٢كوب حليب متلج

…..
خليط الحليب لسقي الكيك
نجهز خلاط وننزل ب ٤معالق كبار لبن بودره
و٢معلقه كبار سكر بودره
ومعلقه زبده ص
وانزل عليهم بنص كوب لبن مغلي
واخفق كويس جدا وانزل بعدها بكوب كبير لبن بارد واخفقهم كويس جدا
……
الكيك يبرد تماما ونعمل فيه ثقوب بالشوكه
وابتدي اسقي باللبن اللي عملته في الخلاط
يتشربه تماما…
اخد الكريمه افردها عالوش وتكون متساويه معانا وانزل بالكراميل واوزعه على كل الجوانب
واخد معلقتين من الكريمه ازودهم معلقتين لبن واضربهم بمعلقه هاتكون طريه شويه
اصبها داخل كيس تلاجه واشكل بها خطوط عالكراميل واعمل تعرجات فيها بخله…
واتركيها تبرد وقدميها لحبايبك والف هنا

تابع ايضاطريقه عمل تشكن بانيه مقدمه من شيف رضا الموافي

رئيس قسم المطبخ أ سمسمه سعد