حلا شيحة و انتقادات النجوم لها بعد هجومها على تامر حسني  

 

 

كتبت:انجي عبدالسلام

 

 

تعرضت حلا شيحة لإنتقادات نارية بعد تصريحات نشرتها عبر حسابها الرسمي على “الانستجرام” أعلنت فيه توبتها عن المشاهد التي قدمتها في فيلم “مش أنا”، ووجهت لتامر حسني سؤال، “فيلمك نجح بالدنيا ماذا عن الآخره”، واصفه النجاح الفني بالفتنة.

 

و إثر ذلك اتُهمت بالمزاجية و التناقض من قِبل العديد من الفنانين و رواد التواصل الاجتماعي.

 

وكانت من أبرز هذه الإنتقادات:

المخرج ماندو العدل قائلًا: “ياريت بس لما تطلقي مترجعيش تقولي عايزة امثل تاني يا أستاذه حلا”.

 

المخرج محمد العدل: اللي عملتيه شايفاه حرام، هتصرفي فلوس حرام؟، رجعي الفلوس.

 

الفنانة سلوى محمد علي: يابت يا خايبه الرجالة ملهمش أمان، خصوصًا زوجك العزيز، ده راجل عنده تارجت في الستات عاوز يحققه، يفضلك ايه بقى، الكارير و الزملاء، انتِ راهنتي غلط خالص ياحبيبتي، ده ميتراهنش عليه.

 

الفنان أحمد الشامي: والله انا مبسوط من كل الردود، وإن الناس فاهمه إن ده أكل عيش، و إن لو الشهرة فتنه و هي شايفه كده و مقتنعه، كانت هي نفسها قفلت كل السوشيال الميديا، وقفلت كلام مع صحافة.

 

الشاعر خالد تاج الدين: ربنا يثبتك و تحلي عننا بقى، ما هو متعمليش شويه فلوس زي الفل، بعدين ترجعي تشتمي في الفن، وياريت ياريت تتخلصي من كل الفلوس اللي قبضتيها في السنتين اللي رجعتي مثلتي فيهم علينا.

 

الفنانة راندا البحيري: هو محدش قال لحلا إن باب التوبة مش موجود على الإنستجرام؟.

واضافت ايضًا وسخرت من كلمات حلا شيحة بقولها: فتاتي إزاي تكوني داعية بمنتهى السهولة وتنصحي زمايلك وتنتقديهم في يوم وليلة؟.

 

مستكمله تصريحاتها قائلة: عريس وطرحة اتنين متر وفرح، بس بقى من تاني يوم حضرتك تقدري كده تبقي رئيسة مجلس إدارة العالم وتقولي مين هيدخل الجنة ومين لاء، ده بتقولك إحنا بمقايس ربنا لم و(لن) ننجح والعياذ بالله إن شاء الله إنتِ.

 

وتابعت: هو محدش فهمها إن اللي بتعمله ده ممكن يعرضها للمسائلة القانونية وإنها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل ده أكنها أحسن منه، واحنا كلنا عارفين الخير اللي بيعمله تامر طول عمره في الخفا وفي العلن على إيدينا كلنا، فضله على ناس كتير أوي و ربنا جعله سبب لفتح بيوت أد كده، تقوم دي تنصحه؟ لا والله هم يضحك.

 

و انتقدها السيناريست محمد صلاح العزب عبر صفحته الشخصية على “فيسبوك”: رخيص أوي أن لما ممثلة تطلع تتكلم بشكل أيا كان بقى هو ديني أو متزمت أو متخلف أو مش عاجب الناس إن معظم الردود تسيب القضية وتسيب الفن وتتحول لإرهاب شخصي وتبقى كلها في سكة أحكام عليها وعلى أخلاقها وعلى سلوكها وتفتيش في نواياها.

 

 

وأضاف: وأنها بتتجوز عشان الفلوس والكلام كله يبقى في سكة لما تتطلقي ورينا هترجعي تاني ولا لأ، وكلام مفيوش بشلن لا فن ولا رقي ولا تحضر ولا أخلاق، هو أنت لما بتعمل كده شايف نفسك فنان يعني وبرنس وبتدافع عن الفن، وأنت متبني خطاب كله عشوائية وجهل وتخلف قد اللي هي عملته 10 مرات على الأقل.

 

و هاجمت منة فضالي بحرارة على تصريحات “حلا شيحة” بوصفحها “بالأستفزاز” قائلة: بنلاقيها بتقلع الحجاب وترجع تشتغل وتقول كنت غلطانة، هو مش ده تناقض ديني؟ الإنسان المتدين لازم يكون ثابت على كلامه، مش يغير كلامه كل فترة على حسب لو فيه جوازة أو شهرة ونجومية وأغلفة مجلات وفلوس.

 

واضاقت قائلة: محدش ضربها على إيديها علشان تشتغل، ولا تامر أجبرها تصور المشاهد اللي هي متضايقة منها، عيب جدا اللي هي بتعمله، وعلى فكرة أنا بحبها رغم إني معرفهاش، بس هي وقعت من عينينا كلنا.