مش عايزة أبقى تريند … أبرز تعليق لرنا سماحة عن خبر انفصالها 

مش عايزة أبقى تريند … أبرز تعليق لرنا سماحة عن خبر انفصالها 

 

 

 

 

كتبت: شروق ممدوح

 

 

نشرت المطربة رنا سماحه عبر حسابها الشخصي بموقع التواصل الإجتماعي “فيسبوك” صورة جديدة لها موجهه بها بعض الكلمات عن الأصول.

 

 

معلقة عليها قائله:”عذرًا أيها ال trend، فلدي ما هو أغلى من كنوز العالم، أتعلمت في بيت أهلي، أن العلاقة بين الراجل والست أمانة مينفعش تطلع بره البيت، خطيبتك مراتك طليقتك أياً كان، الأمانة دي ولاد الأصول بس إللي بيعرفوا يصونوها وميفشوش أسرارها”.

 

 

 

متابعة: “ولاد الأصول بس إللي مبيكذبوش ولا بيتدعوا على بعض بالباطل، ولاد الأصول مبيقذفوش المحصنات، كبيره من الكبائر، ولاد الأصول بس إللي مبيخونوش الأمانة، ولاد الأصول بس مبيفجروش في الخصام، ولاد الأصول مش محتاجين يستعطفوا حد ولا محتاجين يتدعوا المثالية بيسيبوا أخلاقهم تتكلم عنهم ومبيتكلموش هم عنها”.

 

 

 

مضيفة: “ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان ومبينسوش الفضل بينهم، ده إللي ربنا أمرنا بيه ده إللي أهالينا ربونا عليه ده إللي الإنسانية بتقوله أي حاجة غير كده تبقى عدم تربية، قلة دين، إنعدام أخلاق”.

 

 

 

مكتملة حديثها: “إنعدام الأخلاق ده مينفعش نزينه ونقول أوووووه ترند، في داهيه الترند إللي ينسينا أخلاقنا وتربيتنا وأصولنا، الإنسان بيعيش حياته وبيمشي رحلة، مش هيفضل منها غير سيرتك وأعمالك الطيبة وكلمتك إللي بتتصدق بيها، سيبوا الخير وأنتوا ماشيين عشان الناس تدعيلكم بدل ما يدعوا عليكم”.

 

 

مستشهده ببعض العبارات: “أجعل من يراك يدعو لمن رباك، بطلب من أي حد هيكلمني عشان يعرف أي تفاصيل تخص حياتي الخاصة يوفر على نفسه، وميكلمنيش ميهمنيش السبق الصحفي ولا الشو الإعلامي ولا الأكثر بحثاً غير في شغلي فقط في الخير والفرحة وبس”.

 

 

 

مختتمه حديثها قائله: “عاهدت نفسي وأهلي والناس إللي بحبهم إني أكون خير قدوه عاهدت إبني إللي عيني لسه مشافتوش إني أربيه على الأصول والإحترام والرقي، عاهدته إني اربيه يبقى راجل، فا متستنوش مني ما يفعله الآخرون، مش عايزة أبقى ترند”.