بونانيى
محمد زيدان
بونانيى
يا اغلى بنت
واحلى اخت فى الدنيا دى
ويارب دايما تحققى
كل حلم بتحلمية
واعرفى
انك لاخر لحظات عمرى هيفضل امرك يهمنى
بونانيى
كل سنة وكل اهدافك فى الحياة
تتحقق
طول ماانتى ماشية مع الحياة
وبتمنى
مفيش سنة من عمرك تمر
الا ويكونلك هدف … ايديكى لمساة
شكانى.. توفابيانى .. توسويتن مليون دانى
بونانيى
بدعيلك فى زمنا الصعب هادا
باللى يصونك واللى يقدر يحميكى
ولو بواحد فى المية من رعايتى وحمايتى ليكى
بدعيلك يملى حياتك طعم السعادة
وتحققى ذاتك زى مابتتمنى
زى ماهو مرسوم فى خيالك .. وبخط ايديكى
كل سنة وانتى لمضة وتنكة ومناخيرك دايما فى السما
كل سنة وكل ثانية فى عمرك دايما احلى من اللى قبلها
وبنصحك اوعى فى يوم تيجى على نفسك او تتاقلمي
على حاجة .. كل حاجة جواكى رافضاها اوماشية ضدها
كل سنة و كل بلد نفسك تروحيها .. يارب ياستى تروحيها
وتمشيها شارع شارع … وتسيبى اجمل ذكرياتك فيها
مع ان فكرة سفرك فكرة مستحيلة وبرة قاموسى
بس مدام هتكونى سعيدة هتحمل وهقبل بيها
كل سنة وانتى من غير اى داعى متوترة وموترانى
وانتى عاملة فى حياتى صصبنس وباستمرار معصبانى
ها تحبى اضيف حاجة تانى لسموك
ولا اخليها لعيد ميلادك القادم ان ربنا حيانى
بونانيى
شكانى.. توفابيانى .. توسويتن مليون دانى
**********************************
المفردات الفرنسية الواردة بالنص
بونانيى ( bonne annee ) : كل سنة وانتى طيبة
شكانى.. توفابيانى .. توسويتن مليون دانى ( Chaque annee et tu vas bien et te souhaite un million d annees ) كل سنة وانتى طيبة وعقبال مليون سنة
محمد زيدان
التعليقات مغلقة.