صعْب عَليَّا…. بقلم.. مروة محمد
صعْب عَليَّا
بقلم/ مروة محمد
أنا هكتبلك عن إحساسي
أنا بتألم كل مافيا حتي مشاعري
كل كياني معقول تبقا انت الجاني
صعب عليا اني أقولها انا بكتبها
عشت ليالي كتير بحسبها
ليه توجعني حاسس يعني
والا الجرح بعيشه لوحدي
كل الفكرة انك بتسبني
جواه دواير النسيان
قلب بينزف من الحرمان
قولت الاه انا مجروحه يلي بايعني
زود بعد كمان وكمان طب ايه يعني
مبقاش صعب عليك تهجرني
إنت سامعني والله أبداً منتش داري
بس قراري صعب عليا
ازاي قادر تبقا معايا وبردو عليا
يا ابن الناس فين إحساسك مش كان ليا
المزيد من المشاركات
قولت حبيبتي وقولت هشيلها في نن عينيا
بس جرحت بإيدك انت كل مافيا
عذراً أيوة أنا كنت نسيت
أسال نفسي ازاي حبيت
ليه ماحطتش حدود وبنيت
بيني وبينك أيوة ياريت
كنت عرفت أخبي مشاعري
أهو بالمرة كنت قويت
أصل الضعف معاك كان خيبه
بعد الجرح ألاقي مصيبة
أما العشق دا حاجه غريبة
بيودينا معاهم لحياة
حكم مؤبد وياولداه
نفذ حكمك من غير آااه
صعب عليا بجد أقوله
إبعد عني يلا وسبني
أنا بتألم من جوايا وانا سايباه.
التعليقات مغلقة.