عمر كمال داعيًا إلى حسن شاكوش من أمام الكعبة “فيك شيء لله وربنا ما يشمِّتش فيك حد”

عمر كمال داعيًا إلى حسن شاكوش من أمام الكعبة “فيك شيء لله وربنا ما يشمِّتش فيك حد”

 

كتبت : هادية رمضان 

 

ذهب المطرب الشعبي عمر كمال مؤخرًا ليعتمر في مكة المكرمه ، وظهر المطرب عمر كمال من خلال فيديو أمام الكعبة داعيًا إلى صديقه المطرب الشعبي حسن شاكوش ، وذالك بعد أزمته الأخيرة ،

 

وعلق عمر كمال أثناء الفيديو الذي نشرة الصحفي هاني عزب قائلًا :”شاكوش يا حبيبي، ربنا يفكها عليك يا حبيبي يا رب، وربنا يديك برزق أخواتك وأمك يا حبيبي اللي بتحبك وتنول دعواتها، ويحنن كل القلوب عليك يا حبيبي، وترجع أحسن من الأول، عشان أنت طيب وفيك شيء لله، وأنا أكتر واحد عارف ده، بدعيلك كتير والله يا حبيبي، ربنا يهديك بنعمته وبستره عليك يا رب، وما يشمِّتش فيك حد أبدًا” .

 

 

وعلق عمر كمال على الفيديو قائلًا:” شاكوش يستاهل كل خير، وبإذن الله هيرجع؛ لأنه ناجح في لونه جدًا، وأنا بدعمه؛ لأنه شريك نجاحي، وعشرة، وما تمناش ليه الضرر، هو غِلِط ودفع تمن غلطُه، واتعلم منه.

كما علق المطرب عمر كمال عن ذهابه لتأدية العمرة قائلًا :”بوست هكتبه عشان اختم بيه اليوم الحلو ده، شهر 1 السنة اللي فاتت 2020.. كان عندي شغل في جدة وكنت لسه مش معروف زي دلوقتي خالص وربنا كتبلي وعملت عمرة، وقتها كان قبل شهرين من كورونا قبل الدنيا ما تقفل كلها.

 

 

كما تابع حديثة قائلًا :” المهم روحت وقعدت قدام الحرم ودعيت ربنا بكل حاجة نفسي فيها، قولتله يا رب نفسى أخش السعودية بدعوة رسمية وآجي مهرجان كبير وصوتي يبقى مسموع.. قولتله يا رب نفسي أركب عربية كذا، قولتله يا رب نفسي أسكن في المنطقة كذا، قولتله نفسي ونفسي ونفسي ونفسي، وأقسم بالله مفيش حرف واحد طلبته؛ إلا وتتحقق أكتر من اللي طلبته وزيادة.

 

 كما أختتم حديثة قائلًا :”والسنة دي روحت السعودية تاني بوضع تاني، وفي ظل كل الظروف والعقبات ربنا كتبلي تاني أروح أزور الحرم.. اللهم لك الحمد والشكر يا رب، ودعواتي المرة دي تتحقق كلها وآجي السنة الجاية بدعوات جديدة.