دوس على ألمك، وإوعى تسلم

وداري جراحك ،عيش واتعلم

وإن ماقدرتش تكتم همك

أو حبيت يوم تحكي وتتكلم

إوعى ، إوعى بأقولك تفتح فمك

وتحكي وتشكي ليزيد همك

أو يتصعب حد عليك ،ولا يعايرك أو يعاديك

فضفض بس للي عليك أحن من أمك

يشرح صدرك ، يرفع همك ويزول غمك

إرفع إيدك بس ادعيه ، باللي تحبه واللي تريده

ولو حتعوز الكون حيجيبه

هو الملك الفرد الصمد

أحد أحد ، يعطي ويمنح

وكل الخير بس في إيده، وإحنا عبيده

أحمد واشكر وأوعى تشيل في هموم وتفكر

طول ما الملك منظمه سيده