فيك عاشق … بقلم / جمال القاضي
فيك عاشق
جمال القاضى
أنا فيك صرت عاشق
ومن عيونك سحر أشوفه
ومن جمالك واحه تانيه
واحة لهدوء أهواها دايما
فيها أسرح بالخيال
ومعايا عقلي فيك يسرح
وبحلو الكلام
قلمي يكتب
ويرتب كلامه
علشان أقوله
لما أشوفك
أو لما أقابلك
أنا ظل يبقى ظلك
لما أكون دايما بقربك
وأنسى نفسي
ومن حلو لكلامي
أقول بحبك
أنا صوتك عشقت فيه
همسة شفايفك
لما تناديني بالحروف
ومن بين شفايفك
طالعه تعزف
وأعشق كمان من لسانك
ينادي اسمي
ساعتها قلبي
تلقاه زي طير
داير يرفرف
أنالليل عشقته
لأني شايفك
بين نجوم بدر ساطع
بس عشقي لنجمك أنت
شوفته أكتر
وعارفه ليه قلبي حبك
حبك لأنك تستاهلي حبي
وتستاهلي قلبي
أحب فيك جنون مشاعرك
وجنون عيونك
لما أشوفها بلهفة ليا
وكل هم كان جوه قلبي
ساعتها يطلع
أنا نفسي دايما
أكون قربك
قرب فيه أحس بحنانك
وبصدق المشاعر
ال ساكنه جوه قلبي
وأعترفلك بكل لحظه
من غير تردد
وأقول بحبك
المزيد من المشاركات
جمال القاضي
