طاقتى معاكى خلصت ( علاقه سامه )

محمد زيدان

وارد جدا وجايز افشل

 ارجع تانى زى الاول

قبل مااقابلك وقلبى يامنك

قبل ما كل واحد فينا فى حياة التانى .. يدخل

وارد جدا وجايز افشل

ف نيسيان حب ياما فيا اهمل

وارد اتعب ووارد انجح

بس اللى انا متاكد منه .. ان ستاير علاقتنا بتنزل

مش هقول انى بسيبك وببعد

بس انا مش هعرف اكون راهب فى معبد

خلينى اسميها انى منسحب وبرجع

برجع لان مهما مشينا لنفس النقطة دى هنوصل

لنفس المشهد ونفس الموقف

ويجيلنا وقت لبعضنا نتاسف

ان انا وانت فضلنا نضيع

فى وقت وحب وعلاقة مش مقسوم لها اطلاقا تكمل

كان لازم نفهم

ان علاقتنا استحاله هتنجح .. استحالة هتكمل .. استحاله تستمر

علاقه فيها طرف بيجرح .. وطرف متحمل .. استمرارها يضر

 شهور وانا فيها بقيم

ولقيتها يوميا بتتعقد .. ويوميا بتاكد .. ان لايمكن نهايتها تسر

بتاكد انى كنت مخطىء .. وقلبى ف حقى اخطا .. لما بحبك اقر

شهور وانا فيكى بفهم

انى مش مبسوط .. ومش مرتاح

ومش هتردد فى انى اختار

لنفسى وضع افضل

وارد جدا .. وجايز افشل

من يوم علاقتنا ما بدات

وانا بعمل المستحيلات عشان افضل محافظ عليها

باختبارات ومواقف مرت

ومفيش مرة بادرتى واثبتى انك مصرة تكملى فيها

من يوم مابدات

ولحد ما لحظة ما بقرر بايديا انهيها

وانا عقلى عمال بيضغط

 عمال يجيبلى فى براهين ان دخولها  .. اكبرغلطه غلطناها

كل عهد عاهدتينى بيه

اتقابل منى بالف قسم

ومفيش عهد اتوفى بيه

ومفيش مرة اخليت بقسم

 ضيفت حاجات كتيره فى حياتك

اديت اللى مكانشى عقلك يتصوره

واستنيت اتحب ربع حبك لذاتك

قد ما حبك قلب .. اسلوبك غيره

ومادمت معاكى موجوع وبعدك موجوع

 فا وجع البعد اكيد هيكون

 اكرملى وافضل

كان نفسى حقيقى وكنت اتمنى

افضل مكمل لحد النهاية

بس نصيبى وقعنى فى تجربه سامه

اضطرنى بنفسى استدعى النهاية

محطتيش فى اعتبارك ان قلبى ليه طاقه

ومش هيقبل يعيش على حب مؤقت

هييجى وقت ويرتد بسبب الاساءة

وحرفيا .. طاقته معاكى خلصت

خلصت على وهم على حلم المهم انها خلصت

 وذكراها بس اللى هتفضل

وارد جدا فى نسيانك افشل

بس اللى انا متاكد منه

ان ماتت رغبتى فيا بانى اكمل

محمد زيدان