أحمد حسن راؤول يقدم هدية للمنتخب “شكرًا على كل تعبكم”
أحمد حسن راؤول يقدم هدية للمنتخب “شكرًا على كل تعبكم”
كتبت: آية رجب
أهدى الشاعر “أحمد حسن راؤول” كلماته لفريق المنتخب المصري باسمائهم، تقديرًا لما قدموا في بطولة كأس الأمم الأفريقية.
قام “أحمد حسن راؤول” اليوم بمشاركة اغنية “شكرًا على كل تعبكم” عبر حسابه الشخصي على موقع التواصل الاجتماعي وتبادل الصور “إنستجرام” التى تحمل في كل مقطع منها أحدى تسلمي لعيبة المنتخب.
لمشاهدة البوست اضغط هنا
الأغنية من كلمات “أحمد حسن راؤول” وألحان “أحمد دهيمه” ومن توزيع “إلهامي دهيمه، أحمد حسام”، ومن إنتاج الشركة المتحدة للخدمات الإعلامية تحت إشراف “طارق ابو السعود”.
كلمات الأغنية:
شكرًا على كل تعبكم
ومتبكوش ارفعوا راسكم
كملوا احلامنا الجاية
كلنا عارفين اخلاصكم
دايسين بتهدوا في صخر
جاسين بيكم بالفخر
لسه اللي هيجي بتاعكم
على كتفكوا احلام مصر
كيروش قبطان الفرقة
وصلاح قائد اسطوره
الحضري وسر الصنعه
سلمها لجبل الكورة
ونش ومنعم وحجازي
سد منيع سد فولاذي
فتوح واللمسه الحلوة
بيكمل أجمل صورة
حمدي سولية مع النني
رجالة نص الملعب
زيزو معلم من لمسه
كل اللي قصاده بيتعب
وتريزيجيه مبيبخلشي
بيحرب لما بينزل
مصطفي وشريف مروان
بكرة الدفعات تتزلزل
بطل اللعبه يا شناوي
سايب في قلوبنا علامه
اكرم والقلب الجامد
ترجع وبألف سلامه
ايمن وعمر وأمام
اكبر من اي كلام
مهما بتصعب يا مهند
هنشيل الكأس قدام
رمضان صبحي ومرموش
بالجهد مقصرتوش
صبحي علاء جاد مروان
تحتاجهم تلقي وحوش
انتوا عملتوا اللي عليكم
أيدينا هتفضل في ايديكم
هنعوض بكره بتاعنا
والفرحه هتكمل بيكم
حصد المنتخب المصري المركز الثاني في بطولة أمم إفريقيا بعد أن صعد من الدور قبل النهائي على حساب منافسه الفريق الكاميروني، ليواجه الفريق السنغالي الذي فاز بالبطولة بعد موجهه قوية مع منتخب مصر ومباراة دامت حتى ركلات الترجيح.
