ارواحنا بتتعلق ساكنه والوقت يمر
احساسنا بيخطأ احيانا وبيبقي مُصر
عكس المفروض انه بيحصل ممكن ينجر
وده طبعا شئ غصباً عنك فابيبقي أمر
في مشاعر بتبان حقيقه وقلوبنا مصفيه النيه
بنعيش وياها باحساسنا فاندوق المر
عكس المفروض انك بتحس انك مسنود
فاتضحي كتير علشان غيرك ترجع مهدود
في قلوب بتدوب زي المشروب وقلوب بتفور
زي القهوه فاتروح في الزيطه
بفنجانك تلاقيه مكبوب
والشاطر يطلع في الآخر يعمل حبوب
أوضاعنا بتتغير دايما ولا حاجه بتفضل
علي حالها وبنشبه أوقات
الدنيا في شروق وغروب
المزيد من المشاركات
في عيون بتدقق تفاصيلها
والغايه في إنك توصلها محتاجه صعود
بتقدم تقريرك ناقص فاتروح مرفود
أنا قلبي استسلم للواقع والوضع اللي
قبلت أعيشه كان ليه مردود
عكس المفروض أني اظاهر موهومه
وبضحك علي روحي والباقي كمان
من ايامي دا يادوب معدود
اسلوب مرفوض تعمل حالك حد
مضحي في اساس دايب وطريق مسدود
ماتصحصح فوق من اوهامك لاالوقت يفوت
وتضيع حالك في قضيه خسرانه وقبل التسويه
تطلع بشروط ياتعيش هلفوت
ياتقول مابدالك وتقرر تختار الموت.
