“حياه مش مقسومه على اتنين!! “

يعني ايه أم بتربي لوحدها، 
سواء منفصله.. ارمله او زوجة مغترب؟

يعني كل نهاية يوم بتبقى محتاجه تسند
راسها على كتف حد يمسح تعبها وحزنها!!

تعبها كله كان ممكن يروح لما تفتكر ان في حد
معتمده عليه بعد ربنا يشاركه حملها وتفاصيل
يومها.. لكنها مضطره تظهر قويه وتكتم ضعفها! 

يعني لو في مشاكل مع اطفالها في المدرسه
او الحياه اليوميه مابتلاقيش راجل تبلغه يحل عنها.. ويسند معاها!! 

الناس مهما كانت.. تحب تشوف الراجل او
بعض الناس لو حست ان الست دي مش
جنبها راجل للأسف بيستحلوا ظلمها!!

يعني شايله هم المستقبل والزمن لوحدها
لان مافيش حد شايل عنها وبيفكر جنبها
وبيسندها ويطمنها!!

يعني بتحس ان الحياة مش مقسومه على
اتنين زي ما المفروض يكون وضعها.. مش
ثقل الحياة كله فوق ظهرها!!

مفيش ست مهما بلغت من العلم او المنصب 
او الاهل او القوه مش بتحتاج راجل يشاركها وتسند عليه بعد ربنا.. ربنا هو السند ولكن فطرنا على “الونس”.. على “الموده”.. على احتياج إن قلب يرحمك.. ومحدش ينكر عليها احساس الوحده وفقدان اللمه.

محتاجه تسمع شكراً على كل مرة اظهرت
انها قويه لوحدها.. وعلى كل مرة عافرت
في الطريق لوحدها..وعلى كل موقف صعب استقوت فيه بالله واتحملت خوفها وهزمت 
قلقها ووحدتها وسدت فيه وهي ربنا بس اللي 
عالم برعشة قلبها.

وعلى كل مره استحملت تكون بدون شريك حياه مع إنه من حقها.. وعانت من معاملة ونظرات الناس .. وماستعجلتش الإرتباط ب اي راجل وفضلت آمان أطفالها.. وحمت ضعفهم وغلبت قلة حيلتها.. ونسيت إنها إمرأه وليها قلب ومشاعر وضاع شبابها أدام عينيها وهي بتؤدي
رسالتها وشايله حملها وبتلعب دور أب وأم 
في دنيا صعبه لوحدها!! 

شكراً.. 

شكراً لكل امرأه تحملت سنوات وحدتها
ومسؤلياتها واختارت حياة أولادها

شكراً..

لازم تكوني فخوره بنفسك انتي قويه.. مكافحه
صلبه، حنونه، صامده.. ربنا ساند قلبك وظهرك

“انتي منبع العطاء يا كل الحياه”

#مايسة_كمال
#دعاء_خطاب ❤️