الدكتورة نيرمين فاروق حسن تكتب: من الآخر إبن الأصول هو اللي بيعمل الأصول
الدكتورة نيرمين فاروق حسن تكتب:
من الآخر إبن الأصول هو اللي بيعمل الأصول
* لأن ابن الأصول عمره ما ينكر فضل حد بعد فضل ربنا عليه أو حتى ينساه، وبيفضل باقي على العشرة لحد آخر لحظة، وبيعمل كل اللي عليه وزيادة مبيردش الأذي بالأذي ووقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك.
* لكن ابن الأصول كرامته عنده رقم 1 ومستحيل هيقبل اي إهانة ونفسه عزيزة عليه فوق الخيال.
* ابن الأصول بيعرف يعتذر لكن لو غلطان مش بيستكبر يقول انا آسف وغلطت فعلاً وغلطه مبيكرروش، وكلمته واحدة لما يقولك هاعمل صدقه لأن ضميره من جواه ييتحكم فيه ومبيسلمش ودانه لحد ومستحيل يبيع صاحبه علشان مصلحته، يعرف الأصول ملوش في كتر الكلام بيعرف يعاتب مرة واتنين وثلاثة علشان مش من طبعه انه يفرط في حد بسهولة، بس لما بيفرط تأكد إنك مش حاتعرف ترجعه تاني.
* ابن الأصول ملوش في الحوارات بيقولك في وشك اللي هو عايزه، وأيه اللي ينفع وأيه اللي مينفعش أما اللف والدوران مش سكته إطلاقا.
* أبن الأصول لو اتظلم عمره ما يظلم بيسيب ربنا يجيبله حقه، يصفي بسرعه لو لقاك شاري وينسي بسرعة لو لقاك بايع ودايما عينيه شبعانه عمره ما يحلل لنفسة يأخذ حاجات غيرة، أو يبص في رزق غيره ولا يبص في حياة غيره.
المزيد من المشاركات
* ابن الأصول بيقدر ويحترم أبسط واقل حاجة حلوة بتعملها معاة والأهم أنة مبيعرفش يخون ولا يجرح ولا يستغل فرص ولا يستغل حد ولا يكرة فى حياتة إلا الكذب والخيانة، وهو صاحب الكل ميعديش عليه واجب ويديلك حقك من غير ما تطلبه.
* أبن الأصول أصلة الكرم ومهما كان ناجح أو عنده كتير أخلاقه غلباه وميعرفش يتغر علي خلق الله وبيسيبك لوحدك تعرف الفرق بينه وبين غيره وجواه رحمة وعدل ودايما بيحط نفسه مكان غيرة.
من الآخر إبن الأصول هو اللي بيعمل الأصول. تحياتى وتمنياتى لكل متابعينى فى مصر وحول العالم بدوام الصحة والعافية. الصورة للدكتورة/ نيرمين فاروق بمطار القاهرة الدولى _ مصر