غاده عادل نجمة التيك توك: أعتز بلقب “حبة الكراميل” ولم اتوقع نجاحى بهذا الشكل

غاده عادل نجمة التيك توك: أعتز بلقب “حبة الكراميل” ولم اتوقع نجاحى بهذا الشكل

كتبت: شيماء أحمد متولي

ظهر مؤخراَ برنامج التيك توك والذي اعتبره الكثيرون فرصة لاظهار بعض المواهب و هو الطريق الأسرع للنجاح والشهرة حسب الاستخدام ولذلك نتحدث اليوم مع أشهر نجمة تيك توك حبة الكراميل غادة لمعرفة كيفية دخولها علي ساحة التيك توك .

الحالة الاجتماعية:
1- ممكن تعرفينا في البداية مين هي غادة أو حبة الكراميل؟
غاده عادل عزالدين، سني 32 سنة، مصرية اتولد وعايشة في محافظة القاهرة، ومتزوجة و عندي طفلين ، يزيد 7 سنين و لي لي 4 سنين، بقدم محتوي كوميدي اسري بشكل لائق و محترم على التيك توك، واشتهرت بحبة الكراميل.

الدراسة :
2- كلمينا عن الدراسة؟
ليسانس اداب قسم دراما و نقد مسرحي من جامعة عين شمس دفعة 2011.

بداية دخول السويشال ميديا:
3- كلمينا ازي بدأتي دخول السويشال ميديا؟
بدأت السوشيال ميديا من 3 سنين تقريباَ، اتعرفت على التيك توك عن طريق اختي الأصغر مني و لقيت انه مكان مناسب اقدر اظهر فيه موهبتي في التمثيل ولانى بحب التمثيل جدا من زمان وكان نفسي امثل فالتيك توك حقق ليا حلم التمثيل من خلاله، و طبعا الجواز و الاولاد منعوني من ده زمان.

الصعوبات:
4- – الصعوبات اللي واجهتك؟
كان عندي صعوبات كثيرة في تنظيم الوقت و خصوصا اني ماكنتش علي دراية كبيره بالبرنامج فى كنت باخد وقت كبير في التصوير ، ده غير كمان ان كان فيه صناع محتوي كتير مشهورين ليهم مكانهم علي التيك توك و كنت خايفه اني ماقدرش اثبت نفسي وسط العدد الكبير منهم بس الحمد لله قدرت اثبت نفسي و كمان اتشهرت جدا بكلمه غاده و عهد الله.

الدعم :
5- مين الشخص اللي كان داعم ليكي؟
الداعم الأول والاساسي هو أحمد جوزي، كان بيساعدني وبيعلمني ازاي استخدم التيك توك و ازاي اتصور بشكل مناسب، و غير انه كان بيدعمني جدا و بيعمل معايا فيديوهات كوميدية كتير زودت عندي عدد المتابعين.