العمر كله … بقلم: ريما خالد حلواني
العمر كله
بقلم: ريما خالد حلواني
بهيدا اليوم
شفت الحلا كلّو
وسنين عمري عمرتلك بيوت
وبالمحبّة رسمتك
خطوط
جذورك تأصّلت فيّي
وجسور الدفى بروحي غلّوا
فتحت شبابيك العاطفة
كلّها وطلّيت على جنينتك
وأنت وردة هل البستان
لِ ما بتموت
لِ ريحتو فلّ وياسمين
وحامله العطر وسرّو
كأنّي أوّل مرّة
بشوف وردة مطبّقة
كلّ يوم بتفتح وبتضلّ
عَ إمّها وما بتتغيّر
سقيتك من أيّامي
شهد المحبّة
صرتي الشهد
وخوابي العسل تخبّوا
لح يضلّ ١٨ آب
يوم ولدتي
عيدك وعيدي
والمحبّة بقلوبنا عمرانه
يلّي غيّرتي فيه حياتي
وصرتي خيالي
كيف ما برمت
عيوني عليك بيضلّوا
عم إدعيلك بالتوفيق
رضى الله يا بنت عمري
ومحبّة خلقه
تحاوط عمرك وخطواتك
والفرحة تغمرك
وشوفك سعيدة
العمر كلّه.
المزيد من المشاركات
