روشتة … بقلم: غرام نعيم
روشتة
بقلم: غرام نعيم
روشتة سريعة حاكتبها
نحافظ بيها ع الصحة
نعلي بيها مناعتنا
نزود حبة في طاقتنا
تخلينا شباب على طول
تحسن برضه أوضاعنا
وتحلي لنا كمان دنيتنا
شوية حب ويا حنان
ندوبهم في شوب إيمان
نكررهم بدون جرعات
ومهما نكتر ولا نزيد
مفيش أعراض جانبية
يناسب كل البني آدميين
كبار كانوا أو لسه صغيرين
مشروب سحري كما الإدمان
علاج للروح وللأبدان
بدون تكاليف وكله أمان
وصلاحية ممتدة بطول العمر
في أي مكان ولكل زمان
وبيه نضمن بقاء الإنسان
المزيد من المشاركات
