سهير شلبي تكشف النقاب عن سر عدم إكتمال قصة العشق مع الإعلامى الشهير

سهير شلبي تكشف النقاب عن سر عدم إكتمال قصة العشق مع الإعلامى الشهير

كتبت: مـنـة الله عبدالله

بعد سنوات طويلة من وفاة زوجها الإعلامى الكبير أحمد سمير خرجت الإعلامية الشهيرة سهير شلبي عن صمتها الطويل وكشفت النقاب عن جوانب جديدة لم يسبق لها الحديث عنها من قبل.

سهير شلبي تحدثت باستفاضة عن قصة حبها مع زوجها الراحل الإعلامي أحمد سمير، وكيف كانوا يشجعان بعضهما البعض خلال عملهما بماسبيرو.

قعدة ستات

حديث الإعلامية الكبيرة جاء، خلال لقائها ببرنامج “قعدة ستات” الذي تقدمه الإعلامية مروة صبري على شاشة “القاهرة اليوم”.

حيث قالت ضمن ما قالت: “لقد أكرمني الله بقصة حب قوية قلما توجد، وهي صحيح مكملتش لأن قصة الحب الحقيقية أوي مبتكملش يا بتتكسر يا بتتقطم بأي شكل أو بأخر، ولكن الحمدلله أنا عشت 20 سنة حب وفي ناس انهاردة مش طايلة يوم واحد حب ولا ثانية حب، حياة شباب اليومين دول كل حياتهم قاسية شراسة وعنف بيصعبوا عليا فين الحب بتاع زمان”.

حقيقة المشاكل والخلافات

ونفت سهير، حدوث أي خلافات بينها وبين زوجها الإعلامي الراحل بسبب عملهما بنفس المهنة: “مكنش بيحصل بينا خلافات علشان مع بعض في نفس المهنة، ولكن لما يكون في حب بيسهل علينا كتير، والدنيا بتكون رايقة وفي تفاهم ومافيش ندية”.

وواصلت: “كنت بحب شغله ونجاحه والعكس، وكنا بنحب نشتغل أوي وبنحب الإعلام أول ما نسافر برا مصر نشوف قنوات البلد اللي احنا فيها بتقدم الإعلام ازاي، لازم الست تقدر توفق بين شغلها وبيتها وزوجها وأولادها”.

الستات بيتكلموا عنى

وأضافت سهير: “دلوقت الستات بتقول أنا بشتغل زيي زيك وكل حاجة، ولكن كنا بنتعاون مع بعض فى كل حاجة في الحياة، و نقعد نذاكر للاولاد”.

والجدير بالذكر، أن برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف خلاله نجوم الفن والمجتمع.