عودا أحمد

كتبت / غادة العليمى 

جيل السبعينات والثمانينات يعرفه جيدا

فهو اشهر ضابط فى تاريخ السينما

هو  الاستاذ حسين الشريف، اكيد شفته قبل كدا 50 مرة في 50 فيلم، هو تقريبا اكتر واحد مثل دور الظابط في السينما المصرية.. ممكن اقولك صعب تلاقى فيلم في التمانينات والتسعينات مفيهوش حسين الشريف..

حسين الشريف اختفى من سنة 2013، لما قدم مسلسل أهل الهوى اللي بيحكي قصة الشاعر بيرم التونسي، وسيد درويش، وبعدها حس إن الجو مبقاش مناسب ليه.. فقرر يسيب القاهرة ويشتغل في مطروح.

في اخر حوار ليه، قال إنه نفسه يرجع للفن والتمثيل من تاني، ورمى آفيه في النص، وقال: “المرة دي هقدم دور عميد بقى أنا كبرت”.

هو بيعيش في مرسى مطروح، وفتح محل بقالة هناك، وهو رجع للأضواء تاني لما حد كان بيصيف هناك وشافه ونشر صورته، وبيحكي الاستاذ حسين عن مطروح: “استقريت في مرسى مطروح، وفتحت محل بقالة، والمدينة أهلها ناس طيبين وبيصونوا العيش والملح، وأولادي عجباهم العيشة في القاهرة، وبيجولي مطروح في الصيف”.

وعن السب في بإنه مبيشتغلش زي زمان، قال: “معتزلتش الفن لكن مفيش حاجة مناسبة وجايز المخرجين الجداد ميعرفونيش، الحمد لله كنت محظوظ في شغلي والناس كلها بتحبني والفن الجميل جوة دمي، ولكن علاقتي بالنقابة حاليًا المعاش والعلاج بس”.

واكتر المواقف اللي ضحكته، لما ظباط يسألوه حضرتك خريج دفعة كام في كلية الشرطة، من كتر اقتناعهم إنه ظابط.

منحه الله العافيه وعودا احمد استاذ شريف

#بهاء_حجازي