عيونك “مصدر تهديد”… للشاعر/ محمد زيدان

عيونك “مصدر تهديد”

الشاعر/محمد زيدان

************

هعمل من دماغك ساحة اوليمبياد
وهتنطط فيها بكل الطرق ..وبكل الاوضاع
همارس فيها كل اشكال الاكروبات
مهما مارست هى رياضة الامتناع
*************
عيونك مصدر تهديد
بتهدد مودى اللطيف …
وراحة بالى
بترمينى بسهام نظرات
اصد نظرة..
التانية تقوم قاتلانى
متعمدة تشغلنى
عشان تبدا تفاوضنى
مابين ضمي وهجرى بالليالى
لحد ما بقيت على اخرى
وحيث كدة قابلى…
قابلى بقى من واحد سيغما .. بيغوى .. التسالى
وبالتالى…
بيقولوا أن افضل وسيلة للدفاع هى الهجوم
وانا..
نويت اشغلهم واتحداهم يشوفوا من تانى النوم
السهم هيترد علية بالف
والليله منى يعادلها الف يوم
عيونك بصراحة عاجبنى ومن اللحظة دى اعتبرينى قاتيلها
وانا..
نفسى مفيش اطول منه واحسن لها معايا تلايمها
هى اللى ابتدت واثارت اعجابى
تستحمل بقى نتيجة عمايلها
وحياة سحرهم اللى متقدرش تقاومة عينين
وجمالهم اللى ميختلفش على تقييمة اتينين
وحياة ما بصنعة لطافة خطفتنى وخلت نارى نارين
لاحتلها قبل ما تتمكن هى منى وتعلن…احتلالى
عيونك مصدر تهديد
بتهدد مودى اللطيف …
وقلبى الخالى
عيونك مصدر تهديد
ودة شىء سعيد …
بالنسبالى