عم صلاح عبدالله وعيد الأم

نشر الفنان صلاح عبدالله

علي صفحتة الشخصية علي الفيس بوك

قصيدة

بمناسبة عيد الأم

يظهر فيها الشوق والحنين وطلب الرحمات

علي والدتة الراحلة

رحمة الله عليها وعلي كل الراحلين

……………………………………………

يقول :

شوقى ليكى يا أمى.. يا أم فاروق
زى شوق
الليل الطويل التقيل اللى باخ
لشمس الشروق
شمس الهنا والمنى والوضوح
زى شوق
القلب اللى.. م اليأس داخ
وم الإحباط.. . عجز وشاخ
للأمل.. والتفاؤل.. والطموح
شوقى ليكى يا أمى.. يفوووووق
أى شوق
نفسى أفضفضلك وأبوح
باللى جوه الروح يا روحى
من وجع.. من أسى.. ومن جروح
باللى مش ممكن أبوح
بيه.. لجنس مخلوق
غيرك انتى يا أمى.. يا أم فاروق
نفسى آخدك فى حضنى
وأسمع دعاكى فى ودنى
ربنا يحميييييك يا ابنى
من كل شر.. وكل سوء
دوختنى الدنيا يامه ونفسى أفوق
ألاقى راسى فى حِجرك يا أم فاروق
«صلاح عبدالله»