بالفيديو / برنامج كبسولة ڤيتامين براديو أسرار المشاهير – الحلقه الأولى “إنت سكر”
بالفيديو / برنامج كبسولة ڤيتامين براديو أسرار المشاهير – الحلقه الأولى “إنت سكر”
عبر أثير راديو ” أسرار المشاهير ” قامت الزميلة الإستاذة رؤى مصطفى أخصائى تغذية علاجية
بتقديم أولى حلقات برنامجها الجديد “كبسولة ڤيتامين”
وقد استهلت تفاصيل الحلقة قائلة :
حلقتنا النهارده بعنوان إنت سكر لحبايبنا السكر بزيادة .
فى يوم من الأيام صحينا لاقينا كل الأبحاث بتقولنا إن السكر بقى مرض من أمراض العصر .
نمنا نومه طويلة وإحنا مقتنعين وصحينا بعدها بسنين طويله علشان نكتشف أبحاث جديده تفهمنا إن السكر عرض مش مرض وبيحصلك مش علشان إنت سكر وبتحب السكر
لأ بيحصلك علشان البنكرياس عندك والكبد حصلهم إجهاد والناس تجرى توقف السكر و الحلويات وتاخد أدوية السكر والإنسولين .
ونعيد التحليل نلاقى برضو السكر عالى ويتقالك عادى أصل إنت مريض سكر وهتعيش كده وتموت كده بعد الشر عليكم يارب طبعا
ومحدش قالك عالج البنكرياس والكبد وإنت هتبقى زى الفل .
إستمع للحلقة عبر راديو أسرار المشاهير
https://www.facebook.com/share/v/1G5CaiXQ6A/
وواصلت قائلة : محدش قالك وقف عيش ومكرونه ورز وفاكهه لمدة 90 يوم وإنت ممكن تشفى تماما من السكر خصوصا لو هو لسه من النوع التانى وده بيشمل معانا حبايبنا أصحاب مقاومة الإنسولين إللى لسه الأمور فى إديهم ولسه مفعلوش خاصية العلاج بالإنسولين .
الحل فى إيدك
وواصلت : تعالي نبدأ من النهارده .. خد قرارك الموضوع مش محتاج غير قرار .. صيام متقطع وإتنين وخميس صيام كامل تاخد ثوابهم وتشفى جسمك .
خد قرارك وإبدأ من النهارده نظام كيتو بس النظام الصحى منه مش بتاع التخسيس إياه لمدة 90 يوم وهتلاقى نفسك باقيت إنسان تانى .
الحلقة عبر اليوتيوب
إستخدم مكملات غذائية تساعد جسمك يتخلص من كل السموم إللى فى الكبد والبنكرياس ماهو لو إنت جسمك ناقص منه ڤيتامينات جسمك مش هايقوم بوظايفه صح وهرموناتك هتتلخبط والموضوع كله عباره عن غدد وهرمونات فبالتالى أنت هتقلل الإجهاد إللى واقع عليهم وتعملهم إعادة تشغيل الخالق إللى مخلقهمش علشان يتعاملوا مع زيوت نباتية ومقليات وساليزون وكرواسون وفاكهه وقمح معدلين وراثيا كل حاجه فيهم زيادة عن النسب اللى ربنا خلقها فيهم
إستمع للحلقة عبر بيدج أسرار المشاهير
https://www.facebook.com/share/v/16nLP6Nhji/
إستخدم حاجات طبيعيه تساعدك على تقليل الكورتيزول إللى بيعليلك السكر حتى وإنت مش بتاكل آه والله ناس كتير بتعانى إنهم مانعين أكل وزنهم بيزيد وسكرهم بيعلى
وده بسبب هرمون الكورتيزول إللى هو هرمون التوتر وهنتكلم عنه فى كبسولة مخصوصة وعن الصيام المتقطع والكيتو الصحى كمان
وأختتمت الحلقة بقولها : فى نهاية حلقتنا أتمنى لكم حياة كلها صحه وعافيه .
مع رؤى مصطفى أخصائى تغذية علاجية .
إستنونى فى كبسولة ڤيتامين جديده مفيده
