«من حقنة تخسيس إلى اضطراب سكر: الوجه الخفي للمونجارو»
كتبت نهير مدحت
انتشار المونجارو على السوشيال ميديا يبدو كحل سحري للتخسيس… هل كل شئ بيخس سريع فعلاً صحي؟ الحقيقة إن استخدامه بدون استشارة طبية مش بس مش مضمون، لكنه ممكن يكون خطر على الصحة.
المونجارو وحقه الحقيقي
المونجارو في الأصل دواء لعلاج مرضى السكري من النوع الثاني.
بيشتغل على إفراز الإنسولين، كبح الشهية، وبطء إفراغ المعدة.
لكن عند الناس اللي مش مريضى سكر، الاستخدام العشوائي ممكن يسبب:
هبوط مفاجئ في السكر
إجهاد البنكرياس
دوخة وغثيان
يعني بدل ما يساعدك تخس، ممكن يضرّ جسمك على المدى الطويل.قصة المونجارو وتأثيره النفسي
المونجارو أصبح تريند على السوشيال ميديا، وناس كتير بتتوقع خسارة سريعة وبدون مجهود.
ده بيجيب إحباط كبير لمن يفشل، جلد ذات، وشعور بعدم الكفاءة.وبالرغم من ده، التجربة الشخصية تعلمنا حاجة مهمة: الجسم ليه قصة مختلفة لكل واحد، ومافيش حل سحري يصلح للجميع.
تجربتي الشخصية
من سن 16 وأنا بحاول أخس… كل دايت وكل طريقة… وكل الطرق الصحية… ومفيش نتيجة واضحة رغم الاجتهاد.
بعد ما اكتشفت وجود غدة أثرت على جسمي، بدأت أتعامل مع نفسي برحمة بدل من جلد ذاتي.
رفضت أظهر إعلاميًا رغم وجود عروض سخيه خوفًا من التنمر والتمييز… وبعد وفاة جدتي ، وتشخيصي بالسيلياك، اتغيرت نظرتي للحياة.تعلمت إن منع الجلوتين مش عقاب، لكنه ضرورة لصحة جسمي، وإن نزول الوزن أو الشكل يتطلب صبر وفهم للجسم.
المهم مش رقم الميزان، المهم التعامل مع الجسم برحمة ووعي.البدائل الصحية والآمنة
بدل الحقن السحرية أو التريندات:
أكل صحي ومتوازن: بروتين، ألياف، وخضار.
مشروبات تقلل الشهية طبيعيًا: مياه دافية،أي مشروب قليل السعرات غير مركب.
نشاط يومي خفيف: مشي، طلوع سلم،تمرين .
نوم منتظم: 6–7 ساعات.
ده كله بدون أي دواء أو تريند، ويحقق نتائج صحية مستدامة.الخاتمة
المونجارو مش دايت، وخطر استخدامه العشوائي كبير.
فهم الجسم والتعامل معه برحمة ووعي هو الطريق الحقيقي لصحة أفضل ونتيجة مستدامة.
ركز على أسلوب حياة صحي، وابتعد عن الحلول السريعة اللي ممكن تأذيك.