إعداد وحوار: ريهام طارق
ساعات قليلة وتنطوي صفحة عام 2025، عام حمل في طياته 365 يومًا مثقلين بالذكريات، ما بين فرح وحزن، نجاح وانكسار، قوة وخذلان، حكايات بدأت وأخرى انتهت، و كانت فيه الأغنية شريكا أصيلا في هذه التفاصيل اليومية التي رافقت مشاعرنا، وبقيت شاهدا صادقا على كل ما عشناه و مررنا به.
ولا يمكن إنكار أن 2025 كان عامًا استثنائيا على مستوى المشهد الغنائي، اتسم بثراء الإنتاج وتنوعه، وبرزت خلاله أعمال ناجحة تركت بصمتها الخاصة، وارتبطت كل أغنية بذكرى مختلفة؛ سعيدة كانت أو موجعة، ومن هنا ولدت لدي فكرة هذا الحوار، عبر اختيار أبرز عناوين أغاني عام 2025، وتحويلها إلى أسئلة تفتح لنا أبواب عالم نجوم لمع نجمهم وتميّزوا خلال 2025.
ضيفة حواري اليوم هي الشاعرة الغنائية الاستثنائية هالة الزيات، صاحبة القلم الساحر المشبع بالأنوثة، والكلمة الخاصة التي تحمل توقيعها المتفرّد، صاحبة الحضور لافت وبصمة واضحة في عام 2025.
توجت هاله الزيات بعمل غنائي ناجح بصوت الفنان الكبير الكينج محمد منير، من خلال أغنية “ملامحنا”، ألحان العبقري أحمد زعيم، التي أعادت إلينا سحر صوت منير وأعماله، ولمست كلماتها مشاعر حقيقية في وجدان كل مستمع.
اليوم، نقتحم عالم هالة الزيات الخاص، لنتعرف عليها من زاوية مختلفة، و نكتشف ملامح جديدة لم يعرفها جمهورها من قبل.
في البداية نرحب بالشاعرة الغنائية هاله الزيات في جريدة أسرار المشاهير ونشكرها على إتاحة الفرصة لإجراء هذا الحوار.
مين اول حد جه في تفكيرك حالا و نفسك تعزمه علي “العنب الساقع“؟
صحابي اللي بيحبوني و بيفرحوا لـ نجاحي
بعدت عن مين في 2025 وبتقوله في نهايتها “كيفك علي فراقي“؟
كل الناس المؤذية
امتى تعبتي في 2025 وقلت والله ده “هد حيل” ؟
الحمدلله محصلش و تعبت
مين بتقوله أنت “حبيبي وابن حبيبي“؟
اختي.
هتقولي لمين “صاحبي يا صاحبي” أنت معايا في 2026؟
كل صديق مخلص قدم لي الدعم والمساندة و شجعني اني أكمل.
فنان ودعنا في 2025 وبتقوله “فعلا مبتتنسيش”؟
الموسيقار الراحل محمد رحيم
مين بتقولي له وانتي داخله 2026 “ميتعزش“؟
أي شخص سلبية و مؤذية
لو تم دعوتك “حفله تنكريه” نفسك تلبسي اي شخصية من زمن الأبيض والأسود ؟
نفسي اكون شاديه
تقولي لمين أنت “سيد الناس” في 2025 وكل السنين اللي جايه؟
سيد الناس ده يبقى ابني
مين كان “ضل حيطة” في حياتك في 2025؟
العشم بزياده.
شخص حلفتي وقلتي والله لاكون “عقده حياته” في 2026؟
اتمنى اكون عقدة حياة كل منافق
“رقم واحد” في حياه هاله الزيات في 2026؟
اولادي رقم واحد في حياتي.
ريهام طارق تكتب: عندما نعتاد الفقد يصبح الموت مألوفًا
امتي بكيتي في 2025 وقلت الوسط الفني “خذلني“؟
الحمد لله الوسط الفني عمره ما خذلني.
امتى حسيت انك شايل “الشيله كامله” ؟
بعد وفاة والدي.
كام مره اتقال لك لك “اهدي” وأنت بتشتغل في 2025؟
أنا شخص هادي و صبور جدآ.
مين تقول له كل كلامك “كلام فارغ ” في 2025؟
انصاف المواهب.
أحمد زعيم: أنا عمري ما بعدت عن حد بإرادتي أنا ببعد بسبب غبائهم
مين الشخص اللي بتقول لنفسك “مكرهتوش” بعد ما ودعته في 2025؟
انا مش بعرف اكره أنا بمسح ذاكرتي وبعملها update وبس.
مين دخل حياتك في 2025 وحسيت “كأنه مجاش“؟
ناس كتير دخلت حياتي و كأنها ماجتش.
مين اكتر شخص كان “بيستهبل” في حياتك 2025؟
مشفتوش ده.
من تقولي له “تيجي نحارب” في 2026؟
هقولها لهالة الزيات.
امتي بتحسي انك مطمنه معاه وتقولي له محتجالك “احكيلك خوفي” ؟
كانت والدتي رحمها الله وحاليا أختي.
مين اللي لو سألوك عنه هتقول “معرفش حد بالاسم ده” في 2025؟
الفشل.
مين تقوله في بداية 2026 “تيجي نرجع“؟
الشغف.
مين بتقوله في 2026 “قبلت التحدي“؟
الإبداع والابتكار والتجديد ، و كمان هقولها كل المواهب الصادقة.
نفسك تقول لمين “بدي اقول بحبك“وأنت بتستقبل 2026؟
اولادي
امتي صرخت بصوت عالي وقلتي “خطفوني” في 2025؟
أنا ما بتخطفش.. صعبه دي.
أحمد زعيم : أغنية “مابكدبش”.. كانت تطاردني في أحلامي قدري و مكتوبة لي من البداية
مين “بابا” المجال؟
الشاعر نادر عبدالله بابا المجال في الشعر الغنائي
ايه التصرف اللي عملته في 2025 واعتبرته “خطيه” ؟
الإهمال في صحتي
تقولي لمين “بتمني انساك” وأنت بتقفلي حسابات 2025؟
اتمنى انسى اي حد سابلي ذكري مؤذية
مين زعلته منك في 2025 وبتقوله “سوري” صافيه لبن قبل ما نبتدي 2026؟
هاله الزيات.
مين تقوله ومن داخل 2026 “الله يحنن” و هتقفل الباب في وشه ؟
الناس المحبطه.
مين اكتر ناس اتعاملت معاهم في 2025 وكانوا ايقونه “الذوق العالي” ؟
زمايلي في الوسط الفني وبصوره خاصه مجال الشعر الغنائي
مين نفسك تشوفه قبل ما تنتهي 2025 وبتقوله “واحشني يا ابن اللذينا” ؟
والدي ووالدتي رحمهما الله.
جابر جمال الدين: إللي يعطلني هقوله الله يحنن و هقفل بابي في وشه
مين في حياتك شايفها “ملكه جمال الكون“؟
أمي رحمها الله.
كام مره قلت محتاج “دكتور” نفسي في 2025؟
ولا مره الحمد لله صلاتي وذكر الله ، واولادي اجمل واقوى علاج
توجهي رسالة تهديد لمين في 2026 وتقولي له صبرا… “لينا ميعاد“؟
اي شخص شايف نفسه رقم واحد.
هتقولي لمين في نهاية 2025 “خلونا نشوفكم تاني” ؟
صحابي.
ايه اللي اتغير في “ملامحنا” في 2025 وممكن نصلحه في2026؟
اتغير في ملامحي نظرتي للأمور و الناس
كام مره قلت في 2025 “الاحتياج وحش” ؟
مافيش احتياج الا لله وحده
هتقولي لمين وانتي داخله من 2026 “هوينا“؟
انصاف المواهب
لو هترسمي لشخص واحد فقط “احلى رسمه” هيكون مين؟
هرسم بنتي الكبيره جنى
قلت امتي “حب تاني لا” في 2025؟
الحب دايما في قلبي تاني و تالت و دايما و على طول
حد صدمك في 2025 و خلاك تقولي “أنا تبيعني“؟
بطلت اتصدم
كلام “عيب يتحكي” في 2026؟
الفشل.
امتي اكتر وقت حسيتي فيه انك محتاجه صحابك واكتشفتي إن”مفيش جدعنه خالص“؟
صحابى الحمد لله كلهم جدعان جدا جدا
“خبر عاجل” نفسك تعلني عنه في بداية 2026؟
عمل كبير وناجح بصوت نجم كبير بعون الله.
أول “قرار شخصي” هتقومي تنفيذه فورا في بداية 2026؟
هخلي بالي من نفسي ومن صحتي النفسية والجسدية، ومش أي حاجه تزعلني سلامي النفسي عندي بقي رقم واحد.
“لو لينا عمر” حلم نفسك يتحقق في 2026؟
اسيب علامة فنية كبيرة.
في النهاية نشكر الشاعره هاله الزيات على هذا الحوار الأكثر من رائع.. على وعد بحوار آخر مع نجم جديد ونجاحات جديدة مع ريهام طارق.
بقلم ريهام طارق
نبذة عن الكاتب:
ريهام طارق صحافية مصرية من أصول لبنانية، متخصصة في كتابة الأخبار الفنية والثقافية، وأجرت حوارات مع نخبة من أبرز نجوم الغناء والتمثيل في الوطن العربي، تشغل حاليًا منصب رئيس قسم الفن ومساعد رئيس التحرير بجريدة {أسرار المشاهير} في جمهورية مصر العربية.
بدأت مسيرتها المهنية من المملكة العربية السعودية عبر جريدة {إبداع}، في الرياض قبل أن تنتقل للعمل في عدد من المؤسسات الإعلامية الكبرى في الوطن العربي، منها {جريدة الثائر وجريده المغرد} في لبنان، وجريدة {النهار} في المغرب، ومجلة {النهار} في العراق، ومجلة {المحور} في الكويت.
كتبت ريهام طارق أيضا مقالات تحليلية في مجالات السياسة الدولية وأسواق الما الأمريكية والأوروبية، كما تولت عضوية اللجنة الإعلامية في المهرجان القومي للمسرح المصري… وتقدم حاليًا محاضرات متخصصة في الصحافة في مسقط، عاصمة سلطنة عمان.