أى حد يبوسك

= مرة واحد بيوصل خطيبته لبيت أهلها المهم أول ما وصلوا راح عمك ده راكن على الحيطة أدام باب العمارة وقاللها :

عايزة بوسة كبييييييييرة وأنا أمشى ..

البنت قاللته : لا عيب بابا يزعل .

خطيبها قالها : ليه .. هو أبوكى شايفنا دلوقتى ؟

قالتله بدلع : لأ .. بس فى جيران ممكن يشوفونا ويقولوا لبابا ..

قالها : أنا مش ماشى إلا لما أخد البوسة بتاعتى ..

= المهم فضلوا على كده كتير .. هو ساند على الحيطة مش عايز يعديها .. وهى تقلانة عليه مش عايزة تديله البوسة .. شوية كده وبنت صغيرة نزلت من العمارة .. طلعت الأخت الصغيرة لخطيبة الواد .. فتحت باب العمارة وقالت للولد :

ازيك يا عمو .. بابا بيسلم عليك وبيقولك لو هى مش راضية تبوسك أنا ابوسك .. لو مش عاجبك أنا ممكن أختى التانية تبوسك .. لو مش عاجبك أختى التانية ممكن ماما تبوسك .. ولو مش عاجبك ماما ممكن بابا بنفسه يبوسك .. بس علشان خاطرى أوعى كتفك من على جهاز الانتركم علشان العمارة كلها سمعت بأمر البوسة !!