🌿 الغش في زيت الزيتون 🌿

الغش في زيت الزيتون
بقلم دكتوره اسماء سليمان
ازاي تعرفي ان زيت الزيتون ده اصلي ولا
في 2008 أكتر من 400 ضابط إيطالي أجروا تحقيقات طويلة وسميت القضية باسم “عملية الزيت الذهبي”.
التحقيقات أدت إلى القبض علي 23 شخصاً ومصادرة أكتر من 85 مزرعة عباد شمس والقبض علي 40 شخصاً آخرين متورطين في بيع زيت عباد شمس مضاف ليه مادة الكلوروفيل وبيعه علي أنه زيت زيتون!!
التحقيقات دي خلت الحكومة الأسترالية تجبر كل الشركات المصدرة لزيت الزيتون في استراليا على تقديم زيتها لاختبار الجودة واللي فشلت فيها كل الشركات المتقدمة للاختبار شهادة الجودة الكلام دا كان في 2012.
وفي جامعة كاليفورنيا موطن زراعة زيت الزيتون في الولايات المتحدة قامت الجامعة باختبار 124 عينة زيت زيتون مستوردة من 8 علامات تجارية مختلفة في الولايات المتحدة الأمريكية والنتيجة إن 70% من الزيوت اللي تم اختبارها فشلت في الاختبار واتضح أنها مغشوشة.

أشهر أشكال الغش المتعارف عليه هو خلط زيت الزيتون بزيت الكانولا أو زيت اللوز أو زيت عباد الشمس، أو زيت عباد الشمس مخلوط بمادة الكلورفيل لاكسابة لون زيت الزيتون الطبيعي وبعدين بيتم في مرحلة تانية ازالة روائح الزيت المخلوط في المنتج النهائي، وفي الأخير إضافة نكهات زيت الزيتون.

طيب هل اختبار التذوق وحده يقدر يكشف الزيت مغشوش ولا لأ ؟؟

الصحفي أليكس رينتون في الولايات المتحدة أجري تحقيق صحفي واستدعي خبراء التذوق، وأجري الاختبار في مطعم إيطالي على 12 عينة زيت زيتون مستوردة والنتيجة كانت مربكة لخبراء التذوق ومحرجة ليهم لأنهم مقدروش يتعرفوا علي الزيت مغشوش من الأصلي والبعض قال على أنواع إنها غير مغشوشة رغم إنها كانت في الحقيقة مغشوشة !!
أشهر الحيل للتعرف علي ان الزيت مغشوش ولا لأ هو اختبار التلاجة بأننا نضع كوب من الزيت في الفريزر، ولأن زيت الزيتون الاكسترا مشبع بالمواد الدهنية الغير مشبعة واللي بيتجمد عند التعرض إلي البرودة فالاختبار المفترض لما يتم يتحول الزيت الى كتلة من الشمع الغائمة يكون الزيت مش مغشوش، لكن بعض الأنواع المغشوشة بيكون مضاف ليها زيت زيتون فبتتجمد أيضاُ في الاختبار دا.

اختبار تاني -صعب نسبيا 😀 – يبين لك إذا كان الزيت مغشوش أو اكسترا فيرجن أصلي، هو إنك تحط الزيت في لمبة جاز وتشعل الفتيل لو كان زيت أصلي مش مغشوش فالمنتظر إن الفتيل يولع وكمان ميطلعش أي دخان، ودا من مميزات زيت الزيتون، فلو الفتيل لم يشتغل أو طلع دخان فغالباً الزيت مغشوش.

تالت شيء هو التذوق وهو فعال جداً لو عرفنا فعلاً إزاي بيكون طعم زيت الزيتون الاصلي، ودا بأننا نجيب طبق ونحط فيه شوية زيت ونبدأ نغمس بلقمة خبز ونتذوق طعم الزيتون واللي بيكون لاذع وحراق والطعم دا يكون طعم أحد مضادات الأكسدة اسمه بوليفينول واللي متواجد في زيت الزيتون واللي بيكون مسئول عن حرقة ولذعة في زيت الزيتون وبيسبب حرقه في الحنجرة ودا اللي
بيميز زيت الزيتون الإكسترا فيرجين والفيرجن عن باقي الزيوت المغشوشة