كوكيز الشيكولاتة مقدم من إسلام عصفور
مده التحضير 10دقايق
مده الطهى 10دقايق
المكونات
نصف كوب زبده بحرارة الغرفه
نصف كوب سكر بنى( سكر أبيض نضيف عليه ملعقه عسل اسود ونقلبهم جدا )
نصف كوب سكر أبيض
2بيضه
ملعقه صغيره فانيليا
ربع ملعقه بيكنج صودا
نصف ملعقه صغيره بيكنج بودر
2 كوب دقيق
رشه ملح
2 ملعقه كبيره كاكاو خام
التزين
شكولاته شيبس أو اس ام اس أو أى تزين تحبوه
الطريقه
نضرب الزبده بالمضرب الكهربائى لما يبقى لونها أبيض نضيف السكر ونضرب لما يختلطو جيدا نضيف البيض والفانيليا ونضرب جيداونفصل المضرب ونضيف الدقيق والكاكاو والبيكنج بودر والبيكنج صودا ونلف بإيدينا لما الدقيق يختفى والعجينه بتكون بتلزق شويه فى الإيد بس بنشكلها بسهوله ونقطعها كور صغيره ونضغط ضغطه بسيطه بإيدينا علشان هتفرش فى السوا ونضع على الوجه شكولاته شيبس أو أى تزين براحتكم ونرصها فى صينيه تيفال أو صينيه عاديه مفروشه ورقه زبده ونتركها ترتاح 10دقايق ونخبز على الرف فى النصف على 180 بياخد حوالى 10 دقائق لما القعر يتحمر يبقى كده تمام والوجه بيكون طرى ولما بيطلع من الفرن ويبرد بينشف
رئيس قسم المطبخ أ / جيهان جعفر
