وصفة بسكوت الاوريو مقدمة من مطبخ ام جمال

مدة الطهى ١٠ دقيقة
المقادير
كوب ونص دقيق
نص كوب كاكاو خام
نص كوب زيت
ملعقة صغيرة بيكنج بودر
فانيليا
كوب سكر بودر الا ربع لو مش عايزاه مسكر
وهو اصلا كوب سكر
بيضة واحدة
3 ملاعق حليب سايل
3 ملاعق زبدة
الحشو
نص كوب زبدة
نص كوب سكر بودر
فانيليا
3 ملاعق كريم شانتيه بودر
نضرب هتبقى كريمى ولو حسيتى الخليط تقيل زودى شوية حليب صغيرين
الطريقة
نقوم بضرب الزيت والزبدة والسكر مع بعض وثم البيضة ونضرب وثم باقى المكونات والدقيق فى الاخر و تلمى العجينة بس ماتعجنيش خالص
وتحضرى العجينة تفرديها بين كيسين بلاستيك بسمك ربع سانتى علشان هينفش وثم قطعى
ورصيه فى صينية مدهونة زيت على فرن متسخن بعد دخوله الفرن هدى النار وهياخد 10 دقائق وهيطلع طرى وبعد مايبرد هيقرمش
واحشيه بالكريمة والف هنا
رئيس قسم المطبخ أ / جيهان جعفر