شهيد على ارضك
كتب مصطفى حسن سليم
شهيد على ارضك
المزيد من المشاركات
شهيد على ارضك يابلادى
دمى فدا ارضك وولادى
دمى سال طرح امل بيملا الوادى
اكيد دمى ح يزرع جواكى
ملايين البشر فداكى
انا شهيد فى الجنة منزلى
ودمى ماراحش على الفاضى
انا تمنيت الشهادة هدف
وحلم لبلادى
علشان علمك يفضل مرفوع على ارضك
يابلادى لوكان دمى ثمن ثمن دمى قليل
على ارض بلادى يارب احفظ بلدى
وكل شبر من ارض بلادى
شهيد فى ثوبك يامصر لفونى
شرف لى اودع حياتى
وعلمك على جبينى بينادى
ماتنسيش يامصر انى لو انا عايش
وطلبتى روحى فداكى
ح اقولك لو لى الف روح عمرى
ما اعزها على بلادى
شهيد والشهادة عزة وفخر
انها فدا بلادى ب
حبك يامصر فداكى انا وكل ولادى…….
بقلمى
مصطفى حسن محمد سليم
