ماذا فعلت انا ؟ بقلم فطوم حسن

س-س إمرأة متزوجة عمرها33 عام ومتزوجة من 15 عام من رجل في نفس عمرها ولديها 3 أولاد في أعمار متفاوتة
تشكو من الأتي :
أنا الست كما ينبغي أن تكون عملت كل حاجة لزوجي ساعدته في وقت الشدة وبيعت كل أللي ورايا واللي قدامي عشانه أستغنيت عن أهلي بس عشان أكون معاه حبيته من قلبي وراعيت ولادي كل حاجة في حياتي كانت بميعاد الاكل بمواعيد والنوم بمواعيد يعني حياتي كانت منظمة جدا مفيش مرة قصرت في حاجة كل حاجة كانت مظبوطة في البيت حتي الاكل مفيش مرة أكلنا بره كل حاجة كنت بعمليها في البيت عشان أوفرله وبالرغم من كل ده مكنش عاجبه حاجة كإني مش بعمل حاجة وكان دايما يقولي هو أنتي بتعملي إيه أنا شايف إنه ده العادي ماهو كل ست بتعمل كده ده غير قلة التقدير وقلة الاحترام لغاية ما تعبت جدا منه ومن معاملته أللي بعيدة كل البعد عن الاحترام
ولما بقيت أقصر معاه بدأ ينتبهلي وكإني أنا أللي أخطأت في حق نفسي وأنا أللي كنت مذنبةمن البداية لما أحترمت حد ما يستاهلش الاحترام أيوه ما تشتغربوش
أنا أللي أعطيت كل حاجة لواحد مقدرش ده ولما بدأت أهمل فيه بدأ يقولي مالك في إيه هو أيه أللي جري
بدأ يسأل رغم أنه في الاول مكانش بيسأل ولما كنت بعمل كل حاجة وزيادة مكنش حتي بيقولي تسلم أيدك
أللي عايزة أقوله لكل ست بتقرأ مشكلتي دلوقتي أنه أنا أللي كنت السبب أحترمت بزيادة وحبيت بزيادة
وده مكنش المفروض يحصل مع حد مش هيقدر
علي قد الشخصية أللي قدامك عامليها يعني أنا عشان كنت بحبه اووي كنت بهتم بيه أوي ومكنش هو بيقدر لما بدأت أشوف حالي بدأ ينتبهلي رغم إني أهملته جزئيا بدأ هو يلتفتلي طبعا مش مقصره في بيتي الحمد لله ولكن كنت لاغية نفسي خالص
الدرس أللي أتعلمته وعايزة كل ست تتعلمه أوي تلغي نفسك عشان خاطر حد لأنه لو أنتي مش غالية عند نفسك أوعي تنتظري إنك تكوني غالية عند حد
قسمة ومش نصيب
قسمة الست س كان في إنها تخدم أولادها وزوجها وتهتم بيهم أما نصيبها هي بمساعدة ربنا غيرت كتير منه من الإهمال وقلة التقدير من الجنس الاخر إلي الأهتمام والحب
كل حاجة في حياتنا لازم تكون بنسب يعني الحب بنسب والأهتمام بنسب والتقدير بنسب
بلاش تفتحوا قلوبكم أووي عشان ماتتوجعوش أووي