كلاكيت …. عبدالمنعم الحريري
قارئنا العزيز … لعلك تتذكر مسابقة كنوز الشعر القادمة التي أقامتها جريدتنا بالتنسيق مع الرابطة الدولية للإبداع وشعبة المبدعين العرب باتحاد المنتجين العرب
والذي كرم الشعراء الفائزين في مونديال الإعلام العربي الذي أفتتح بجامعة الدول العربية في نوفمبر 2016
وكان الفائز الأول بمسابقة شعراء العامية
الشاعر الجميل عبدالمنعم الحريري
والمُقل في أن يتحفنا بإبداعاته وهاهي تعود
لاحرمنا الله منها ولا منه
مع قصيدة كلاكيت
لشاعرنا الأول عبدالمنعم الحريري
================
مفيش فى الدنيا دى كلاكيت..
كمان مره ..
مفيش مرة نعيد تانى ..
مدام بنأدى فيها ادوار..
فهل من حقى انى اختار..
اكون جانى ..
مفيش كلاكيت ..على اول ظهور ليا ..
نخلى الام مصرية
ويبقى الاب ..لبنانى ..
مفيش مره ..اكون مشهور
بدون ما أحس..
مفيش تليفون رقم دولى..
يقولى أوباما بيمسى
عليك يا برنس..
وعاوزينك مع صوفيا ..
فى مشهد جن….
ف ارد واقولهم تااااانى ..
منيش فاضى ..
حقيقى مشاغلى منعانى
