قرص بالعجوة

إسم الوصفة :
قرص بالعجوة

مقدمة من الشيف المتميزة
فافى عمر عبد الرحمن
مدة التحضير :30 دقيقة
مدة الطهى 60 دقيقة

المقادير :
كيلو دقيق
كأس ونصف سمن
نصف كأس زيت
2 ملعقة خميرة
2ملعقة سكر
ملعقة صغيرة ملح
2ملعقة سمسم
كأس حليب دافى
ملعقة صغيرة بيكنج بودر
كأس مية دافية

للحشوة عجوة ملعقة سمن بلدى
ملعقة حليب رشة فانليا
رشة قرفة ملعقة سمسم

الطريقة :
ع النار نحط السمن والعجوة
والسمسم ومعلقة الحليب
والفانليا والقرفة وقلبهم
لحد العجوة تبقى زى المربة
واسيبها تبرد احشى بها القرص

طريقة القرص:

الخميرة مع السكر ومعلقة حليب
واخليهم ع جنب

احط الدقيق والبيكنج
والملح والسمسم ورشة فانليا
وأضيف السمن يكون سايح
وأضيف الزيت واخلط
العجين كويس
وأضيف الخميرة المدوبة مع السكر
واعجن واحط كأس الحليب
وأضيف مية شوى شوى لحد
العجين تلم وتظبط في أيدى
واغطيها ترتاح ربع ساعة
وبعدين اشكلها
واحشيها بالعجوة
وارص في صوانى الفرن
ولما أخلص تشكيل القرص
أروح ع الفرن وابدء بأول
صنية شكلتها
هذا الكمية كيلو دقيق

روووعة 👌