ورقة الفراخ مقدمه من الشيف المبدعه سماح محمد

🐓🐔🍗 ورقة الفراخ 🍗🐔🐓

مقدمه من : سماح محمد
وقت التحضير ٢٠ دقيقه
وقت الطهي ٤٥ دقيقه

زى مافى ورقة لحمه تعالو نعمل ورقة فراخ
نقطع الفراخ على 8 قطع
بصل متقطع ناعم ( بقطعه ب شفرة الشيبسى )
فلفل اسود
رشة شطه
بهار ورقة اللحمه
جنزبيل بودر
شبت اخضر
بطاطس مقطعه
زيت زيتون

الطريقه :
حنشوح الفراخ فى حله ومعاها بصله وحبهان وعود قرفه ورشة فلفل تنزل مايتها وتشفشف ونسلقها نص سلقه لوحدها
نلف البصل بالتوابل بتاعته والملح وزيت الزيتون والشبت وناخد منه حبه فى طبق بره
نغسل البطاطس اللى قطعناها ونلفها بالبصل ونفردها فى الصينيه
نفرد الفراخ فوقيهم ونغطيها بالبصل اللى شيلناه على جنب ونرش عليها زيت زيتون وننزل بالشوربه اللى كنا بنسلق بيها الفراخ
ندخل الصينيه الفرن من غير مانغطيها علشان الفراخ تاخد لون جميل وتكمل سواها مع البطاطس اللى تحتها
وبالف هنا 😍😍