شاورما الدجاج مقدم من اميرة عبد الصمت

اسم الوصفه شاورما الدجاج
مقدم من اميره عبد الصمد
مده التحضير 10دقايق
مده الطهي20دقيقه
المقادير
كيلو صدور فراخ متقطعه
بصله متقطعه شرايح
عدد4فلفل الوان متقطع شرايح
عدد 4حبه طماطم متقطعه شرايح
كسبرا خضرا
2ملعقه كبيره عصير ليمون
بهارات
ملح
فلفل اسود
كسبرا ناشفه
قرفه
جنزبيل
2ملعقه سمنه
1ملعقه زبادي كبيره
الطريقه
هنجيب بوله ونضيف فيها كل البهارات بتاعتك مع معلقه الزبادي والملح وانزلي عليهم بصدور الدجاج وقلبيهم جيدا قومي بوضع طاسه علي النار وانزلي بالسمنه لما تسخن انزلي بالدجاج علي السمنه عشان تاخد صدمه وتشويحه وقلبيهم كويس سبيها 10دقايق ع النار وبعد كده شيليها من ع النار وضيفي لها الطماطم والفلفل الالوان وقلبيهم كويس
في بوله تانيه بقي ضيفي نص كوب خل وعليه معلقه صغيره سكر وضيفي ليها البصل وسبيه منقوع في السكر والخل خمس دقائق وارجعي صفيه وضيفيه علي الشاورما وقلبيها كويس اوي وحطيها علي النار تاني خمس دقايق كمان وبعدين شيليها من ع النار وتقدم في طبق التقديم والف هنا وشفا
رئيس قسم المطبخ
اسماء عزازي
وسمسمة سعد