Reciprocity – المعاملة بالمثل
المعاملة بالمثل هي أحد مبادئ الاتيكيت المهمة اللي لازم نحطها في الاعتبار
– أولا لو حد عزمك أو قدم لك مجاملة لازم ترد المجاملة بالطريقة المناسبة وفي الوقت المناسب – مش لازم تكون بنفس القيمة لو الشخص معندوش الامكانيات المادية لكن لازم تعبر عن تقديرك للشخص زي ما هو قدرك.
– لو انت الشخص اللي بتتم مجاملته فتقبل مجاملة الآخرين حتى لو أنت شخص بتصر على التعبير عن كرمك لكن ادي الفرصة للآخرين لمجاملتك برده.
– لكن المبدأ ده ليه استثناء لو حد بيتكلم معاك وبيحكي لك عن حاجه مضايقاه مينفعش يكون ردك (وانا كمان) ده مش هيساعد الشخص في حاجه … لو هو اللي بيحكي سيبه يحكي (وماتقطعوش أو تحكي انت حكايتك) –
معظم الناس بتحس أنها في مسابقة وانها لازم تثبت انها مرت بنفس الظروف برده.
الطرف التاني بيكون محتاج فقط أنك تهتم باللي بيقوله حتى لو معندكش حل -مجرد انك تديله الفرصه انه يتكلم ويعبر عن مشاعره ده هيساعده
