أصالة تطرح اغنية بالسلامة من ألبومها الجديد شايفة فيك عبر اليوتيوب

أصالة تطرح اغنية بالسلامة من ألبومها الجديد شايفة فيك عبر اليوتيوب

كتبت : مـنـة الله عبدالله

روجت الفنانة أصالة نصري، لأغنيتها الجديدة “بالسلامة”، قبل طرحها اليوم الجمعة، عن طريق نشر مقطع فيديو قصير من كلمات الأغنية عبر حسابها على موقع تبادل الصور والفيديوهات “إنستجرام”.

وكتبت علي الفيديو، مُعلقة: “السهرة اليوم أنا وأنتم على الأغنية وهي بدها نسهرلها خلصوا اللى وراكم لتستمتعوا أتمنى ذلك ولهذا سعيت”.

وطرحت أصالة اليوم، عبر حسابها الرسمي على “يوتيوب”، أغنيتها الجديدة والتي تحمل اسم ” بالسلامة”، من كلمات عمرو عبد علي، وألحان عمرو الشاذلي، وتوزيع وفواصل موسيقية عمرو الخضري، و ميكس وماستر هاني محروس.

وجاءت كلمات الأغنية كالآتي:
الوجع بيين حقايق
اللي كانوا عاملين حبايب
واللي عملوا قريبين
لو نقلب في الدفاتر
في الحياه دي قلوب ياساتر
واحنا بينهم مظلومين
بالسلامة للي راحوا عرفونا قيمتنا اية
هو مين يعني اما فارق الحياة وقفت عليه
الف شكر للي فارق عادي يعني مكنش فارق
ده اللي عنده غيابنا عادي عتابنا عادي خسارة فيه
فيه قلوب جواها لينا
شر واحنا اللي تأذينا
يوم ما فارقوا ميهمناش
النوايا مش سليمة
بعدهم اكبر غنيمة
زيدنا يعني مقلناش
موال
مش دايمه يعني لحد عادي الدنيا دواره
بكره لما تبان قيمتنا يقولوا ياخساره
وجودكو كان فحياتنا غلطة
وجه علينا بخسارة.

والجدير بالذكر أن آخر أعمال أصالة هي أغنية “غلبان”، والأغنية من كلمات منة القيعي، وألحان إيهاب عبد الواحد، و‎توزيع أحمد طارق يحيى، أكورديون وائل النجار، ‎مكس وماستر عمار خاطر، إنتاج وتوزيع روتانا.

وإليكم كلمات الأغنية :

غلبان أني غلبان عايش على اللي كان فاكرنا زي زمان

آه غلبان اوي غلبان لا ده فاته وفاته
رميناه بماضيه وحكاياته
ده فاكر دمعنا هنا على خدنا يا تهيؤاته

ده فاكرنا هناك قاعدين جمب الشباك
قال وفي عرض رجوعه
فاكر موضوعه وشغلتنا حياته

ليه هنمسك في اللي غايب مش من قلة الحبايب
بابنا مايتسابش موارب احنا بنقفل ع الشاريين
ليه هنمسك في اللي غايب مش من قلة الحبايب
بابنا مايتسابش موارب احنا بنقفل ع الشاريين
حوالينا كتير ناس من جوه بجد جميلة
ناس حقيقية وشارية وصافية النية ومتبتين

دول أولى بخيرنا ولا ثانية رضيوا بغيرنا
على حلونا مرنا قاعدين هنا هنا ومربعين
ليه هـنمسك في اللي غائب مش من قلة الحبايب
بابنا ما يتسابش موارب احنا بنقفل ع الشاريين
ليه هـ نمسك في اللي غائب مش من قلة الحبايب
بابنا مايتسابش موارب احنا بنقفــــل على الشاريين

ليه ها نمسك في اللي غايب بابنا ما يتسابش موارب
بابنا مايتسابش موارب احنا بنقفل ع الشاريين
ليه هــ نمسك في اللي غايب مش من قلة الحبايب
بابنا ما يتسابش موارب احنا بنقفل على الشاريين
ليه هــ نمسك في اللي غائب مش من قلة الحبايب
بابنا مايتسابش موارب احنا بنقفل ع الشاريين